سرینگر میں چھ دستی بم برآمد

سرینگر کے بمینا علاقے سے سیکیورٹی فورسز نے چھ دستی بم برآمد کیے ہیں۔سی آر پی کے ترجمان کا کہنا ہے کہ ناکہ چیکنگ کی وجہ سے یہاں گرینیڈ چھپائے گئے تھے۔

جموں و کشمیر کے گرمائی دار الحکومت سرینگر میں پیر کے روز سیکیورٹی فورسز نے بمینا علاقے سے تقریباً چھ دستی بم برآمد کیے۔

ای ٹی وی بھارت سے بات کرتے ہوئے سی آر پی ایف کے ترجمان ابھیرام کا کہنا تھا کہ " بیمينا میں قیام آج سی آر پی ایف کے کوئیک ایکشن ٹیم (QAT) کے بنکر کے نزدیک زمین سے تقریباً آدھا درجن گرینیڈ برآمد کیا گیا ہے۔

سرینگر میں چھ دستی بم برآمد

"ان کا مزید کہنا تھا کہ " روڈ اوپننگ پارٹی کو جب وہاں کچھ چیز کے چھپے ہونے کا شک ہوا تو بم ڈسپوزل اسکواڈ کو اس کی اطلاع دی گئی۔ جس کے بعد وہاں سے گرینیڈ برآمد کیے گئے۔ ایسا لگتا ہے کہ کسی نے ناکہ چیکنگ کی وجہ سے گرینیڈ وہاں چھپائے تھے۔ مزید تحقیقات جاری ہے۔"