Fire Incident in Srinagar سرینگر میں چار رہائشی مکان آتشزدگی میں تباہ

سرینگر میں ہولناک آتشزدگی کا واقعہ پیش آیا جس میں چار رہائشی مکانات جل کر خاک ہوگئے۔ فی الحال آتشزدگی کی وجہ معلوم نہیں چل سکی۔ Srinagar Fire Incident

سرینگر: جموں و کشمیر کے دارالحکومت سرینگر کے چھتہ بل علاقے میں آتشزدگی سے چار مکان خاکستر ہوگئے ہیں۔ مقامی لوگوں کے مطابق ایک مکان میں آگ نمودار ہوئی جس نے تیزی سے مزید تین رہائشی مکانات کو اپنی زد میں لیا۔ لوگوں کے مطابق چھتہ بل چونکہ گنجان آبادی والا علاقہ ہے اس لیے دیکھتے ہی دیکھتے آگ پھیل گئی۔ House Gutted in Fire in Srinagar

انہوں نے کہا کہ اس ہولناک واقعہ میں لاکھوں کی املاک چند گھنٹوں میں خاک میں بدل گئی۔ اگرچہ فائر سروس موقع واردات پر پہنچی اور آگ کو مزید پھیلنے سے روک لیا لیکن اس دوران چار مکان تباہ ہوچکے تھے۔ ایک متاثرہ خاتون نے بتایا کہ اس واقعے میں ان کا مکان راکھ میں بدل گیا۔ متاثرین نے انتظامیہ اور نجی اداروں سے امداد کی اپیل کی ہے۔