جموں و کشمیر کے دارالحکومت سرینگر کے خانیار کے بشمبرنگر علاقے میں سیکورٹی فورسز اور عسکریت پسندوں کے مابین ہوئے تصادم میں دو نامعلوم عسکریت پسندوں کو ہلاک کیا گیا ہے۔ پولیس کے مطابق خانیار میں خفیہ اطلاع ملنے بعد سیکورٹی فورسز نے ایک عمارت کا محاصرہ کر لیا اور وہاں تصادم شروع ہوا، جس میں دو عسکریت پسند کو ہلاک کیا گیا۔ قابل ذکر ہے کہ یہ علاقہ گنجان آبادی والا ہے اور تجارتی مرکز لالچوک کے قریب واقع ہے۔ Two Militant killed in Srinagar Encounter
سرینگر تصادم میں دو عسکریت پسند ہلاک یہ بھی پڑھیں: Srinagar Encounter: ہلاک کئے گئے عسکریت پسند شہر میں حملے کرنے آئے تھے: آئی جی پی کشمیر
پولیس ذرائع کے مطابق سری نگر کے بشمبر نگر خانیار علاقے میں عسکریت پسندوں کے چھپے ہونے کی اطلاع ملتے ہی سیکورٹی فورسز اور پولیس نے مشترکہ طور پر پورے علاقے کو محاصرے میں لے لیا اور اُنہیں ڈھونڈ نکالنے کے لیے گھر گھر تلاشی کارروائی شروع کی۔ سیکورٹی فورسز کے اہلکار ایک مشتبہ مقام کے نزدیک پہنچے تو وہاں پر موجود عسکریت پسندوں نے اندھا دھند فائرنگ شروع کر دی۔ حفاظتی عملے نے بھی پوزیشن سنبھال کر جوابی کارروائی کا آغاز کیا اور ابتدائی گولیوں کے تبادلے میں دو عسکریت پسندوں کو مار گرایا۔
سرینگر تصادم میں دو عسکریت پسند ہلاک انسپکٹر جنرل آف پولیس کشمیر زون وجے کمار کا کہنا ہے کہ مائسمہ میں سی آر پی ایف حملے میں ملوث عسکریت پسندوں کو اس تصادم میں ہلاک کر دیا گیا ہے۔ آئی جی پی وجے کمار نے مزید کہا کہ کہ جس مکان میں عسکریت پسند چھپے ہوئے تھے اس مکان مالک کے خلاف کارروائی کی جائے گی۔ قابل ذکر ہے کہ یہ علاقہ گنجان آبادی والا ہے اور تجارتی مرکز لالچوک کے قریب واقع ہے۔ IGP Vijay Kumar on Srinagar Encounter
