سرینگر: جموں و کشمیر کے سرینگر میں سکیورٹی فورسز اور عسکریت پسندوں کے درمیان تصادم میں ایک عسکریت پسند ہلاک ہوگیا ہے۔ جانکاری کے مطابق ضلع سرینگر کے کریسبل پل پورا سنگم علاقے میں عسکریت پسندوں اور سکیورٹی فورسز کے مابین انکاؤنٹر میں عسکریت پسند عادل پرے ہلاک ہوگیا ہے۔ جموں و کشمیر پولیس کے مطابق پسند عادل پرے لشکر طیبہ سے وابستہ تھا اور مختلف معاملات میں ملوث تھا۔
اس قبل سکیورٹی فورسز کو علاقے میں عسکریت پسند کی موجودگی کی خفیہ اطلاع ملی تھی۔ سکیورٹی فورسز نے خفیہ ان پٹ کی بنیاد پر علاقے کا محاصرہ کر کے سرچ آپریشن شروع کیا۔ سکیورٹی فورسز جیسے ہی عسکریت پسندوں کے نزدیک پہنچے، دونوں طرف گولیوں کا تبادلہ شروع ہو گیا اور سرچ آپریشن انکاؤنٹر میں بدل گیا۔
مزید پڑھیں:
پولیس کا دعوی ہے کہ ہلاک عسکریت پسند سرینگر میں دو پولیس اہلکاروں غلام حسن ڈار اور سیف اللہ قادری کی ہلاکت اور ایک بچی کو زخمی کرنے کے معاملے میں ملوث تھا۔ فی الحال علاقے میں سرچ آپریشن جاری ہے۔
