Eid Ul Adha at Srinagar: جموں و کشمیر میں عید قرباں منائی جا رہی ہے

ملک بھر میں آج عیدالاضحیٰ کی نماز ادا کی گئی۔ ملک بھر کے ساتھ ساتھ جموں و کشمیر میں بھی عید الاضحیٰ جوش وخروش اور مذہبی عقیدت و احترام کے ساتھ منائی جا رہی ہے۔ Eid Ul Adha at Srinagar

سرینگر: ملک بھر کے ساتھ ساتھ جموں و کشمیر میں بھی عید الاضحیٰ جوش وخروش اور مذہبی عقیدت و احترام کے ساتھ منائی جا رہی ہے۔ وادی کی چھوٹی بڑی مساجد اور عیدگاہوں میں نماز عید کے اجتماعات منعقد ہوئی۔ سرینگر کے عید گاہ اور تاریخی جامع مسجد سرینگر میں اگرچہ انتظامیہ کی جانب سے عید نماز ادا کرنے کی اجازت نہیں دی گئی تاہم درگاہ حضرت بل میں نماز عید کا بڑا اجتماع منعقد ہوا جہاں خاصی تعداد میں لوگوں نے نماز ادا کی۔ Eid Ul Adha namaz at Dargah Hazratbal Srinagar

ادھر علماء دین ائمہ مساجد اور مفتیان کرام نے سادگی کے ساتھ لوگوں کو عید منانے کی اپیل کرتے ہوئے اپنے آس پڑوس کے غریبوں اور ناداروں کو یاد رکھنے کی تاکید کی۔ آپ کو یہ بھی بتا دیں کہ عیدالضحیٰ مسلم کلینڈر کے 10 ذی الحج کو منائی جاتی ہے۔ اس عید پر جانوروں کی قربانی دی جاتی ہے جس کی وجہ سے اسے عید قرباں کہا جاتا ہے۔

حُجاج قربانی کرنے کے بعد حج کے لیے پہنا گیا خصوصی لباس یعنی احرام اتار دیتے ہیں۔ گزشتہ برسوں کے دوران یہ پہلا موقع ہے جب کورونا پابندیوں کے بغیر عیدالاضحیٰ منائی جارہی ہے۔