Women Empowerment in Kashmir: ماہی گیر طبقے کی لڑکیاں اپنے پشتینی کام کو نئی جہت دے رہی ہیں

سرینگر کے حبک شان پورہ کے ماہی گیر طبقے سے تعلق رکھنے والی تعلیم یافتہ لڑکیاں مالی لحاظ سے خود کفیل بننے اور باعزت طریقے سے اپنا روزگار کمانے کے لیے کچھ برس قبل جموں وکشمیر رورل لائیولی ہڈ مشن کی "امید " اسکم سے جڑیں، جس کے ذریعے انہوں نے باضابطہ طور ہوٹل منجمنٹ میں مچھلی، چکن اور دیگر اقسام کے ڈیشز بنانے کی تربیت حاصل کی۔ Umeed Scheme In J&K Rural Livelihood Mission

سرینگر: وادی کشمیر کی خواتین اپنی زندگی اور معیشت کو بدلنے کے لیے کامیابی کی متعدد داستانیں رقم کر رہی ہیں۔ تربیت اور آسان قرضوں کی مدد سے جموں و کشمیر رورل لائیولی ہڈ مشن کی "امید " اسکم کے تحت خواتین اپنے کاروباری سفر کی طرف سرعت سے آگے بڑھ رہی ہیں۔Umeed Scheme In Kashmir

یہ ہے ڈل ڈیلیکیسیز سیلف ہیلف گروپ جس کے ذریعے یہ سبھی لڑکیاں اپنا روز گار بہتر طور کما رہی یے۔ سرینگر کے حبک شان پورہ کے ماہی گیر طبقے سے تعلق رکھنے والی یہ تعلیم یافتہ لڑکیاں مالی لحاظ سے خود کفیل بننے اور باعزت طریقے سے اپنا روزگار کمانے کے لیے کچھ برس قبل جموں وکشمیر رورل لائیولی ہڈ مشن کی "امید " اسکم سے جڑیں، جس کے ذریعے انہوں نے باضابطہ طور ہوٹل منجمنٹ میں مچھلی، چکن اور دیگر اقسام کے ڈیشز بنانے کی تربیت حاصل کی اور بعد میں انہوں نے اپنے کچن سے ہی اس طرح کے چکن اور مچھلی کے الگ الگ ذائقہ دار ڈیشز بنانے کا آغاز کیا، آج انہیں نہ صرف نجی بلکہ مختلف تقریبات کے لیے بھی آرڈرز آتے رہتے ہیں۔

خواتین کو ترقی پسند اور کامیاب کاروباری بنانے کے لیے امید اسکیم ایک اہم رول ادا کررہی ہے۔ جب کہ رورل لائیولی ہڈ مشن کا مقصد نچلی سطح پر مضبوط ادارے کی تعمیر اور پائیدار بنیادوں پر آمدنی میں بہتری کو یقینی بنا کر غربت کو کم کرنا ہے۔J&K Rural Livelihood Mission

ایسے میں ماہی گیر طبقے سے وابستہ ان باہمت لڑکیوں نے اپنے طبقے کے اندر بدلاؤ اور خود کفیل بننے کے جزبے سے مچھلی کے الگ الگ ڈیشز بناکر اپنے پشینی کام کو زیادہ منافع بخش بنانے کے لیے ایک الگ کوشش کی ہے، جس میں یہ کامیابی کے ساتھ آگے بڑھ رہی ہیں۔ آج وہ نہ صرف خود روزگار کمانے کے لائق بن گئی ہیں بلکہ معاشی طور اپنے گھر والوں کی بھی مدد کرنے کی سعی کر رہی ہیں۔

ڈل ڈیلیکیسیز اس سیلف پیلف گروپ نے اب تک کئی نمائشوں میں اپنے پکوان لے کر شرکت کی ہے اور کئی فیسٹولز کا بھی یہ حصے بننے ہیں۔ فیسٹیولز اور دیگر تقریبات پر ان کے ذائقہ دار ڈیشز کا مزا چھکنے والے نہ صرف اپنی انگلیاں چاٹتے رہے بلکہ انہیں حوصلہ افزائی کے طور انعامات سے بھی نوازا۔ وہیں 2018 میں ٹولیپ گارڈن کے فوڈ فیسٹول میں اس گروپ کو پہلے انعام سے سرفراز کیا جاچکا ہے۔

محنت،حوصلے اور کچھ کر گزرنے کی چاہ سے ہی کسی بھی مشکل کو مات دے کر کامیابی حاصل کی جاسکتی ہے۔ایسے میں ان پڑی لکھی لڑکیوں کی یہ مثبت پہل اپنے طبقے کے ساتھ ساتھ دوسروں کے لیے بھی مشعل راہ بن رہی ہے۔