سرینگر: جموں کشمیر لیفٹینٹ گورنر منوج سنہا کی انتظامیہ نے یونین ٹریٹری میں سرکاری زمین و کاہچرائی پر لوگوں کا قبضے ہٹانے کی مہم شروع کی گئی ہے۔ اس مہم کے تحت وادی کے دس اضلاع میں دو لاکھ سے زائد کنال سرکاری نے غیر قانونی قبضہ سے واپس بحال کی ہے۔ انتظامیہ کے مطابق کشمیر میں کے دس اضلاع میں 3 لاکھ 58 ہزار 720 کنال سرکاری زمین پر قبضہ کیا گیا تھا جس میں آج تک 2 لاکھ 16 ہزار 683 کنال سے قبضہ ہٹایا گیا ہے، جن میں 381 کنال اثر رسوخ افراد سے واپس لی گئی ہے۔
انتظامیہ کے مطابق کشمیر میں 3 لاکھ 4ہزار 366 کنال کاہچرائی اراضی پر قبضہ کیا گیا ہے جس میں سے 1 لاکھ 72 ہزار 907 کنال سے قبضہ ہٹایا گیا ہے جس میں 456 کنال اثر رسوخ افراد سے واپس لی گئی ہے۔گزشتہ ماہ سے چل رہی اس مہم میں انتظامیہ نے کئی تجاوزات کو منہدم بھی کیا ہے، جس میں ہوٹل و دیگر تعمیراتی ڈھانچے بھی شامل ہیں۔
اس مہم سے جموں و کشمیر کے لوگوں میں بے چینی پیدا ہوئی ہے،اگرچہ ایل جی منوج سنہا نے یقین دہانی بھی کی کہ غریب و چھوٹے دکانداروں سے زمین واپس نہیں لی جائے گی۔جموں کشمیر کے ہر ضلع میں عوام شدید تشویش میں مبتلا ہیں،کہ کہیں ان کو اس مہم میں بے گھر نہ بنایا جائے۔ کئی لوگوں نے احتجاج بھی کیا کہ انتظامیہ نے ان کے چھوٹے دکانوں کو سیل کیا ہے یا منہدم کیا ہے۔عام لوگوں و سیاسی جماعتوں کا کہنا ہے کہ منوج سنہا کی ہدایت کو متعلقہ افسران عملی جامہ نہیں پہنا رہی ہیں، اور نہ ہی اس حوالے سے باضابطہ آڈر جاری نہیں کیا گیا، جس میں غریب لوگوں کو اس مہم سے استثنیٰ رکھا جائے گا۔
گزشتہ روز نیشنل کانفرنس کے نائب صدر و سابق وزیر اعلیٰ عمر عبداللہ نے ایک پریس کانفرنس میں کہا تھا کہ اس مہم کا غلط استعمال کیا جارہا ہے۔ان کا کہنا تھا کہ کشمیر اور جموں صوبوں میں اس مہم میں صاف جانبداری نظر آرہی ہے۔ وہیں پیپلز کانفرنس کے صدر سجاد غنی لون نے بھی الزام عائد کیا ہے کہ اس مہم میں 90 فی صد مسلم آبادی کے خلاف کارروائی کی جارہی ہے جبکہ جموں میں کچھ چنندہ افراد سے قبضہ ہٹایا گیا ہے۔
گزشتہ ہفتے جموں کشمیر کے چیف سیکرٹری ارون کمار مہتا نے تمام ضلع مجسٹریٹز و صوبائی کمشنرز کو ہدایت دی کہ اس کارروائی کو جاری رکھے اور پوری سرکاری اراضی و کاہچرائی سے قبضہ ہٹایا جائے۔ چیف سیکرٹری نے پولیس اور ضلع مجسٹریٹز کو یہ ہدایت بھی دی ہے کہ اس مہم کے خلاف جو افراد یا فرد بات کرے ان کے خلاف قانونی کارروائی کی جائے اور اس فرد یا افراد کے قبضے میں زمین کو واپس لیا جائے۔
وہیں عام لوگوں کا کہنا ہے کہ اگر منوج سنہا نے یقین دہانی کی ہے کہ غرباء و چھوٹے دکانداروں کو اس مہم سے مستثنٰی رکھا گیا ہے تاہم اس کے متعلق ایل جی تحریری طور حکمنامہ جاری کیا جائے۔
کشمیر میں اسٹیٹ لینڈ پر قبضہ:
| ضلع | قبضہ شدہ زمین(کنال) | قبضہ شدہ زمین بازیاب(کنال) |
| اننت ناگ | 43673 | 38132 |
| کولگام | 13365 | 8928 |
| پلوامہ | 48606 | 26603 |
| شوپیاں | 19034 | 11341 |
| سرینگر | 15282 | 2415 |
| بڈگام | 38949 | 21698 |
| گاندربل | 17874 | 12110 |
| بارہمولہ | 81372 | 51975 |
| کپواڑہ | 52698 | 27489 |
| بانڈی پورہ | 27522 | 15992 |
کشمیر میں کاہچرائی زمین پر قبضہ:
| ضلع | قبضہ شدہ زمین(کنال) | قبضہ شدہ زمین بازیاب(کنال) |
| اننت ناگ | 34309 | 28891 |
| کولگام | 22616 | 14705 |
| پلوامہ | 50537 | 23568 |
| شوپیاں | 19514 | 10509 |
| سرینگر | 10180 | 3484 |
| بڈگام | 36244 | 17211 |
| گاندربل | 9261 | 6526 |
| بارہمولہ | 7476 | 21526 |
| کپواڑہ | 53342 | 28919 |
| بانڈی پورہ | 20887 | 17568 |
