ضلع شوپیاں میں خانہ بدوش قبیلے سے تعلق رکھنے والا ایک سال کا معصوم بچہ نالہ رمبی آرہ میں ڈوب کر فوت ہو گیا۔
آفیشلز کے مطابق خانہ بدوش قبائلیوں نے رمبی آرہ کے نزدیک عارضی ڈیرہ جما لیا تھا اور ہفتہ کی صبح ایک معصوم بچہ ٹینٹ سے رینگتے ہوئے باہر آکر رمبی آرہ نالے میں ڈوب گیا۔
اس سے قبل کہ اہل خانہ بچائو کارروائی شروع کرتے، بچہ نالے میں ڈوب چکا تھا۔ تاہم انہوں نے بچے کو نالے سے باہر نکال کر فوری طور اسپتال پہنچایا جہاں ڈاکٹروں نے اسے مردہ قرار دے دیا۔
مزید پڑھیں: فروٹ ایسوسی ایشن شوپیان انتخابات کے دوران کووڈ پروٹوکول کی خلاف ورزی
فوت ہوئے بچے کی شناخت عاقب ولد محمد یعقوب کے طور پر ہوئی ہے۔
