جموں وکشمیر کی سابق وزیر اعلیٰ محبوبہ مفتی نے بی جے پی پر سخت تنقید کرتے ہوئے کہا کہ وہ گپکار ڈیکلریشن سے خوفزدہ ہے۔ انہوں نے نامہ نگاروں سے بات کرتے ہوئے لوگوں سے اپیل کی کہ کشمیر کی بقا کے لیے پی جی ڈی امیدوار کے حق میں ووٹ دیں۔
محبوبہ مفتی نے کہا کہ بی جے پی پی اے جی ڈی کے انتخابات میں حصہ لینے سے گھبرائی ہوئی ہے اور اب حربے استعمال کیے جارہے ہیں۔
انہوں نے انتباہ دیا کہ اگر بی جے پی انتخابات میں کامیاب ہوجاتی ہے تو یہاں کے لوگوں کا جینا اور بھی مشکل ہو جائے گا۔
واضح رہے کہ محبوبہ مفتی آج جنوبی کشمیر کے شوپیاں ضلع کا دورہ پر گئی تھیں اور وہاں پارٹی کارکنان سے ساتھ بات چیت کی۔
یہ بھی پڑھیں:
سابق وزیر اعلیٰ نے سابق ایم ایل اے وچی شوپیان اعجاز احمد میر کی رہائش گاہ پر بند کمرے میں اپنے پارٹی کارکنان کے ساتھ بات چیت کی۔
محبوبہ مفتی نے نامہ نگاروں سے بات کرتے ہوئے بتایا کہ آنے والے ڈی ڈی سی انتخابات میں انکے پارٹی کے ڈی ڈی سی امیدواروں کو باہر نکلنے کی اجازت نہیں دی جارہی ہے جس کی وجہ سے انہیں زینہ پورہ کا دورہ کرنا پڑا۔
انہوں نے بتایا کہ بی جے پی گپکار ڈیکلریشن کے انتخابات میں آنے سے ڈر رہی ہے اور لوگ بی جے پی کے امیدواروں کے خلاف ووٹ ڈالیں گے اور انہیں دیکھا دیں گے کہ انہوں نے کس طرح جموں و کشمیر کی خصوصی حیثیت رکھنے والے دفعہ 370 اور 35اے کو ہٹایا۔
انہوں نے مزید بتایا کہ روشنی ایکٹ کے تحت اگر ان کے خلاف کچھ ثابت ہوتا ہے تو محبوبہ مفتی کو جیل میں ڈالے۔
