رام بن میں آوارہ کتوں کا حملہ

ریاست جموں کشمیر کے ضلح رام بن قصبہ میں آوارہ کتوں نے درجنوں افراد کو کاٹ کھا یا ہے لیکن اس کے باوجود میونسپلٹی کمیٹی رامبن کے اہلکار ٹس سے مس نہیں ہو رہے ہیں۔

شہریوں اور ہسپتال کی انتظامیہ کی جانب سے فراہم کئے گئے اعداد و شمار کے مطابق آوارہ کتوں نے مختلف موقعوں پر درجنوں سکولی بچوں کے علاوہ کئی افراد جن میں چند خواتین اور وکلا بھی شامل ہیں۔

شہریوں نے بتایا کہ قصبہ کے گلی کوچوں ٹکڑوں پر آوارہ کتوں کی ٹولیوں نے ڈیرہ جمایا ہوتا ہے جس کی وجہ سے شہریوں، خاص طور سے سکولی بچوں کا چلنا محال ہوگیا ہے جس کی واجہ سے بچے اسکول جانے سے بھی کتراتے ہیں ۔

رویندر کمار، ایکزکیوٹیوں آفسر رامبن میونسپل کمیٹی نے بتایا کہ ایک غیر سرکاری تنظیم کی ایما پر کتوں کو زہر دیکر مارنے پر سپریم کورٹ نے پابندی عاید کر دی تھی جس کی وجہ سے تربیت یافتہ عملہ اور کتوں کو پکڑ کر گاڑیوں میں لے جانے کے لیے محکمہ بلدیات اور شہری ترقی کے سربراہ سے فراہم کرنے کے لئے گذارش ارسال کی گئی ہے جس کا میونسپلٹی کمیٹی رامبن کو انتظار ہے۔