جموں و کشمیر کے ضلع رامبن کے بانہال میں جمعہ کی صبح جموں سری نگر ہائی وے پر ایک سڑک حادثہ پیش آیا جس میں چار امرناتھ یاتری زخمی ہو گئے۔ بتایا جا رہا کہ یاتریوں کو کشمیر لے جانے والی ایک ٹیمپو مسافر بانہال کے شیربی بی علاقے کے قریب حادثے کا شکار ہو گئی۔Four Amarnath pilgrims injured in Ramban
تفصیلات کے مطابق شیربی بی بانہال کے قریب ایک ٹیمپو مسافر سڑک سے پھسل کر پلٹ جانے سے چار امرناتھ یاتری زخمی ہو گئے ہیں، جن میں سے دو افراد کو فریکچر بھی آیا ہے۔ زخمیوں کو بانہال ہسپتال منتقل کیا گیا ہے اور سب کی حالت مستحکم ہے۔ پولیس اور رضاکاروں نے انہیں جائے حادثہ سے ہسپتال منتقل کیا۔
یہ بھی پڑھیں: Ganderbal Road Accident: کنگن سڑک حادثہ میں ماں، بیٹی زخمی
ڈی ایم او بانہال ڈاکٹر شبیر ڈار نے بتایا کہ تمام 4 زخمیوں کو پولیس نے ہسپتال منتقل کیا ہے اور تمام زخمی زیر علاج ہیں۔ حادثے میں زخمی ہوانے والی افراد کی شناخت کندن کمار عمر56 سال سکنہ یو پی، ونائک گپتا ولد ترلوک چند گپتا سکنہ چھتیس گڑھ عمر 10 سال، سنجے گپتا کی بیوی انیتا گپتا، عمر 49 سال سکنہ چھتیس گڑھ اور گڑیا ولد ترلوک چند گپتا ساکن چھتیس گڑھ عمر 39 سال کے طور ہوئی ہے۔
