بانہال میں بیوپار منڈل کی اہم نشست منعقد

بیوپار منڈل نے کہا کہ اگر پرانی جگہ پر مسافر گاڑیوں کو دستیاب نہیں رکھا گیا تو ہفتے کے روز سے ہرتال کی جائے گی جس میں تمام کاروباری ادارے اور ٹرانسپورٹ کو بند کردیا جائے گا۔

بانہال: جموں و کشمیر کے ضلع رامبن کے بانہال علاقے میں بیوپار منڈل کی ایک اہم نشست جس میں مختلف ایشوز پر بات چیت ہوئی۔

میٹنگ کی صدارت بیوپار منڈل کے صدر بانہال نذیر احمد نے کی۔ انہوں نے کہا کہ 'ہم نے دو میٹنگ اس سے پہلے بھی کی تھی اور انتظامیہ کو باور کروایا تھا کی جہاں پہلے بس اسٹینڈ تھا وہاں ہی دوبارہ گاڑیوں کو کھڑا کرنے کی اجازت دی جائے۔ تاہم انتظامیہ نے ابھی تک ہماری بات نہیں سنی ہے۔'

انہوں نے کہا کہ ہس اسٹینڈ بہت دور شفٹ کیا گیا ہے جس کی وجہ سے کئی مسافروں اور مریضوں کو نئے بس اسٹینڈ جانے میں کافی مشکلات سے دوچار ہونا پڑ رہا ہے۔

انہوں نے مزید کہا کہ میٹنگ میں یہ فیصلہ لیا گیا ہے کہ اگر پرانی جگہ پر گاڑیوں کو کھڑا نہیں کیا گیا تو ہفتے کے روز سے ہڑتال کی جائے، گی جس میں تمام کاروباری ادارے اور ٹرانسپورٹ کو بند کردیا جائے گا۔

بس اسٹینڈ کو دوسری جگہ منتقل کرنے پر عوام نے نارازگی کا اظہار کیا ہے۔ ان کا مطالبہ ہے کہ بس اسٹینڈ کو دوبارہ اپنی پرانی جگہ منتقل کیا جائے تاکہ لوگوں کو مشکلات کا سامنا نہ کرنا پڑے۔