پلوامہ:جنوبی کشمیر کے ضلع پلوامہ کے اچگوزہ علاقے سے تعلق رکھنے والے میوہ کاشتکار جو کہ علاقہ کا سرپنچ بھی ہے نے بھاری نقصان اٹھانے کے بعد اپنی فصل کو آگ لگا دی۔ اس سال کی فصل کو آگ لگاتے ہوئے اس نے اپنی آزمائش بیان کی۔ کشمیری پھلوں کے کاشتکاروں کو بہت زیادہ فصل ہونے کے باوجود بحران کا سامنا کرنا پڑتا ہے۔ اس شخص کی شناخت میر فاروق کے بطور ہوئی ہے۔Fruit Grower set fire to his crop
وہیں پولیس نے اس سلسلے میں تحقیقات عمل میں لاتے ہوئے اپنا بیان جاری کرتے ہوئے کہا ہے سوشل میڈیا پر ایک سیب کاشتکار کو سیب وغیرہ جلاتے ہوئے احتجاج کرتے ہوئے دکھایا گیا۔پولیس کے مطابق اب تک مذکورہ شخص نے مختلف چالان نمبر 786 مورخہ 15-09-2022 کے ذریعے ایک گنشام داس، لکشمن داس دکان نمبر C-8 آزاد پور منڈی نئی دہلی کو رواں سال میں 5424 بکسوں پر مشتمل سیب کے 13 ٹرکوں کو روانہ کیے ہیں۔
اس کے علاوہ مذکورہ تاجر نت لاسی پورہ میں مختلف کولڈ سٹوریج کی سہولیات میں سیب کے تقریباً 7000 کریٹ محفوظ کر رکھے ہیں۔ گذشتہ روز کی وائرل ویڈیو کے حوالے سے پولیس نے کہا کہ مذکورہ ویڈیو پچہار سیٹلائٹ فروٹ منڈی میں بنائی گئی ہے جہاں ان کی سیب کی پیکنگ کی سہولت موجود ہے۔ سیب کی پیکنگ میں انہیں تقریباً 15 کارکن پیکنگ میں مصروف ہیں اور ملک کے مختلف حصوں میں نقل و حمل کے لیے مزید 500 سیب کے ڈبوں کو لوڈ کرنے کے لیے تیار ہیں۔
یہ بھی پڑھیں: Fruit Growers worried over Price Drop : سیب کی قیمتوں میں گراوٹ سے کاشتکار پریشان
پولیس بیان کے مطابق یہ بات قابل ذکر ہے کہ انتظامیہ کو بدنام کرنے والے شخص نے دراصل سڑے ہوئے سیبوں کو جلا کر ویڈیو میں پیش کیا ہے۔ انتظامیہ کو بدنام کرنے کے لیے اس شخص کے بدنیتی پر مبنی ارادے کی چھان بین کی جا رہی ہے اور اس شخص کے خلاف قانون کے تحت سخت کارروائی کی جائے گی۔
پولیس نے عوام الناس سے گزارش ہے کہ ایسے کسی بھی مذموم عزائم پر کان نہ دھریں اور جو بھی ایسی افواہیں پھیلانے میں ملوث پایا گیا اس کے خلاف قانون کے مطابق کارروائی کی جائے گی۔
