ضلع پلوامہ کے قصبہ پانپور کے مین ٹاون میں واقع تاریخی شیو مندر خستہ حالی کا شکار ہو چکا ہے۔ جس کی وجہ سے قصبہ میں رہاٸش پزیر پنڈت برادری کو عبادت کرنے میں کافی مشکلات کا سامنا ہے۔
پانپور میں موجود یہ تاریخی مندر صدیوں پرانہ ہے اور کہا جاتا ہے کہ امرناتھ یاترا کے دوران یاتری اس مندر میں عبادت کیا کرتے تھے تاہم 2014 کے تباہ کن سیلاب کے بعد یہ مندر خستہ حالی میں تبدیل ہو گیا۔
مقامی پنڈتوں کا کہنا ہے 'یہ مندر تاریخ کے لحاظ سے کافی اہمیت کا حامل ہے'۔
انہوں نے کہا کہ اس مندر میں پنڈت کٸ دنوں تک قیام کرکے عبادت کیا کرتے تھے لیکن کی مندر کی خستہ حالی کی وجہ سے اب لوگ یہاں نہیں آ پاتےہیں'۔
مقامی پنڈتوں نے حکام سے اپیل کی ہے کہ وہ اس مندر کی تعمیر و تجدید کا کام شروع کرکے اسے عبادت کے قابل بنائیں۔
یہ بھی پڑھیے
'لوگ گپکار اتحاد کو ڈی ڈی سی انتخابات میں سبق سکھائیں گے'
اس مندر کی خستہ حالی کے باوجود یہاں کے مسلمان مندر کو برقرار رکھنے میں انتھک محنت کر رہے ہیں، وہیں ایک مقامی گلزار احمد نے کہا 'سیلاب کے بعد اگر چہ مندر ٹوٹ گیا ہے تاہم مسلمانوں نے اس مندر کی رکھوالی کے ساتھ ساتھ اس کی صفاٸی ستھرآٸی کا بھی خاص خیال رکھا'۔
پنڈتوں کے ساتھ ساتھ مقامی مسلمانوں نے بھی انتظامیہ سے اپیل کی ہے کہ مندر کی شان رِفعت کو بحال کرنے میں اپنا رول ادا کریں تاکہ ایک بار پھر سے یہاں مسجدوں کے ساتھ ساتھ مندر بھی آباد ہوجائیں۔
