ضلع پلوامہ کے قصبہ پانپور میں بدھ کو ایک عوامی دربار منعقد کیا گیا جس میں مختلف علاقوں سے آئے ہوئے لوگوں نے اپنے اپنے علاقہ جات میں درپیش مسائل حکام کے سامنے رکھے۔
مختلف علاقوں سے آئے ہوئے وفود نے بنیادی مسائل - بجلی، پانی اور سڑک- کے علاوہ تعلیم سمیت دیگر معاملات سے اعلیٰ حکام کو آگاہ کیا۔
پلوامہ کے قصبہ پانپور میں عوامی دربار منعقد
عوامی دربار میں ڈی سی پلوامہ سمیت مختلف محکمہ جات کے افسران نے لوگوں کے مسائل سنے۔
ضلع ترقیاتی کمشنر پلوامہ نے لوگوں کے سبھی جائز مطالبات کو ترجیحی بنیادوں پر حل کرنے کی یقین دہانی کی۔
دریں اثناء، پروگرام کے دوران کھیل کود کی سرگرمیوں کو فروغ دینے اور کھلاڑیوں کی حوصلہ افزائی کے لیے سپورٹس کٹس تقسیم کیے گئے۔
