ترال:گزشتہ روز ترال کے نارستان میں بادل پھٹنے کے بعد آئی طغیانی نے جہاں کھڑی فصلوں کو نقصان پہنچایا۔ وہیں نالہ نارستان میں موجود ٹراوٹ مچھلیوں کو بھی بڑے پیمانے پر نقصان پہنچا ہے جس کی وجہ سے عوام میں تشویش کی لہر دوڑ گئی۔ جبکہ کھڑی فصلوں کو بھی زبردست نقصان پہنچا ہے ۔
اس دوران آج ترال کے سابق ممبر اسمبلی اور نیشنل کانفرنس کے سینیئر لیڈر ڈاکٹر غلام نبی بٹ نے نارستان، گترو اور بنگہ ڈار کا دورہ کر کے صورتحال کا جائزہ لیا۔ اس موقع پر لوگوں نے سیلاب سے ہوئی تباہ کاریوں کے بارے میں موصوف کو آگاہ کیا۔ اس موقع پر موصوف کو بتایا گیا کہ نارستان سے گجر بستی مجہ دجن تک کی رابطہ سڑک ناقابل آمد رفت بن گئی ہے جبکہ درگڈ محلہ میں سرائے بند نالے میں پانی کا، بہاو بڑھ جانے سے رہایشی مکانات کو نقصان پہنچنے کا خطرہ لاحق ہوا ہے۔ مقامی لوگوں نے نالے میں گہرائی کرنے کے لیے جے سی بی لگانے کی مانگ کی ہے ۔
مزید پڑھیں: Cloud Burst in Tral وانٹی ناڈ اور ززبل میں بادل پھٹنے کے واقعات
میڈیا سے بات کرتے ہوئے ڈاکٹر غلام نبی بٹ نے بتایا کہ بادل پھٹنے کے بعد سیلابی صورتحال نے علاقے میں تباہی مچا دی ہے جبکہ فصلوں اور میوہ جات کو زبردست نقصان پہنچا ہے۔ انہوں نے الزام عائد کیا کہ ایک طرف انتظامیہ ڈبل انجن کی بات کر رہی ہے لیکن اس علاقے میں انتظامیہ ابھی تک صورتحال کا جائزہ لینے کے لیے نہیں پہنچی ہے جو کہ ایک لمحہ فکریہ ہے۔
