پلوامہ میں بھی مہاشیوراتری کا تہوار منایا گیا

سارے جموں و کشمیر میں مہاشیوراتری کا تہوار بڑے جوش و خروش سے منایا جارہا ہے جبکہ پلوامہ کے مختلف مقامات پر خصوصی پوجا کی گئی۔

ضلع پلوامہ کے مختلف علاقوں میں آج بھی بڑی تعداد میں پنڈت رہتے ہیں۔ یہاں مسلمان اور ہندو پنڈت مل جل کر رہتے ہیں جو یکجہتی کی بہترین مثال ہے۔ مہاشیوراتری کو پنڈتوں کی جانب سے رات بھر خصوصی پوجا کی جاتی ہے۔ 11 اور 12 مارچ کی درمیانی رات کو یہ خصوصی پوجا کی جائے گی۔

اس سلسلے میں اس اشوک کمار پنڈت نے بات کرتے ہوئے کہا کہ ’یہاں ہم اچھی طرح سے اپنے تہوار مناتے ہیں۔ وہیں، پڑوس میں رہنے والے مسلمان ہمیں مبارکباد بھی دیتے ہیں جبکہ ہم ان کے تہواروں میں انہیں مبارکباد پیش کرتے ہیں۔ یہاں سبھی مذاہب کے لوگ مل جل کر رہتے ہیں‘۔ مقامی نوجوان احمد نے بتایا کہ ’اس علاقہ میں ہندو۔ مسلم بھائی چارہ کئی سالوں سے برقرار ہے اور ہمیشہ برقرار رہے گا۔

حکومت کی جانب سے یہاں پنڈتوں کے لیے ایک کالونی بھی تعمیر کی گئی جہاں 60 سے زائد مکانات موجود ہیں۔ موسم سرما کی شروعات کے ساتھ ہی اکثر پنڈت جموِں منتقل ہوجاتے ہیں۔