جن ابھیان نامی پروگرام کا آج وادی بھر میں آغازِ کیا گیا، لیکن جنوبی کشمیر کے سب ضلع ترال میں یہ پروگرام ایک فلاپ شو ثابت ہوا ہے کیونکہ عوام کے لیے بلائے گئے اس پروگرام میں عوام کی شرکت نہ ہونے کے برابر تھی۔ سچ تو یہ ہے کہ عوام کو اتنے بڑے پروگرام کے لیے آگاہ نہیں کیا گیا تھا اور نہ ہی زرائع ابلاغ کو پروگرام کی کوریج کرنے کی زحمت گوارہ کرنے کی کوشش کی گئی۔
سماجی کارکنان کا الزام ہے کہ ٹاون ہال ترال میں تقریباً ہر محکمے نے اپنے اسٹال تو لگائے تھے لیکن عوام کا اعتماد حاصل کرنے میں وہ ناکام ہوئے اور دن بھر ملازمین آپس میں گھپ لگاتے ہوئے نظر آ رہے تھے۔
مقامی سماجی کارکن غلام محمد کا نٹرو نے ای ٹی وی بھارت کو بتایا کہ جن ابھیان پروگرام عوام کے لیے ہے لیکن یہاں پر عوام کو اس بارے میں آگاہ کرنے کی کوشش نہیں کی گئی، جس کی وجہ سے اس پروگرام کا مقصد فوت ہوا ہے۔
یہ بھی پڑھیں: طویل عرصے سے سنڈے مارکیٹ نہیں ہو رہا ہے آراستہ
بی ڈی سی چیرمین اوتار سنگھ ترالی نے بھی میڈیا کے ساتھ بات کرتے ہوئے اتنے بڑے پروگرام میں عوام کی شرکت کو یقینی نہ بنانے پر انتظامیہ کو تنقید کا نشانہ بناتے ہوئے اپیل کی کہ آیندہ دو پروگراموں میں پبلک کی شمولیت کو یقینی بنانے کے لیے اقدامات بے حد ضروری ہیں۔
الغرض بلند و بانگ سرکاری دعووں کے باوجود جن ابھیان پروگرام ترال میں ایک فلاپ شو ثابت ہوا ہے، جس کا ایل جی انتظامیہ کو نوٹس لینا چاہیے۔
