پولیس حکام نے بتایا کہ منگل کی شام جنوبی کشمیر کے ضلع پلوامہ میں مشتبہ عسکریت پسندوں نے پولیس پارٹی پر حملہ کیا جس میں کم از کم دو پولیس اہلکار زخمی ہوگئے۔
ایک سینئر پولیس عہدیدار نے بتایا "رات 9 بجے کے قریب پلوامہ کے کاکاپورہ کے علاقہ ونپورہ گاؤں میں مشتبہ عسکریت پسندوں نے پولیس پارٹی پر دستی بم پھینکا اور اندھا دھند فائرنگ کی جس کے نتیجے میں دو پولیس اہلکار زخمی ہوگئے۔"
انہوں نے بتایا کہ زخمی پولیس اہلکاروں کو قریبی اسپتال منتقل کیا گیا جہاں ایک کی حالت تشویشناک بتائی جاتی ہے۔
یہ بھی پڑھیں: کولگام: فائرنگ میں بی جے پی سے وابستہ پنچ زخمی
زخمی پولیس اہلکاروں کی شناخت ہیڈ کانسٹیبل خورشید احمد اور ایس پی او اشفاق احمد کے نام سے ہوئی ہے۔
ادھر پولیس نے حملہ آوروں کی تلاش کے لئے علاقے کو گھیرے میں لے لیا ہے۔
