اننت ناگ: وادی کشمیر کے طول و ارض میں ترنگا ریلیز کا اہتمام عمل میں لایا جا رہا ہے۔ Tiranga rally Anantnagوادی کے بیشتر ضلع صدور مقامات پر انتظامیہ، مختلف محکمہ جات سمیت بھارتیہ جنتا پارٹی کی جانب سے بھی کئی مقامات پر ترنگا ریلیز کا اہتمام کیا گیا۔ جنوبی کشمیر کے ضلع اننت ناگ میں مین ٹائون میں بھارتیہ جنتا پارٹی (بی جے پی) کے سینئر رہنمائوں کی جانب سے ایک میگا ترنگا ریلی کا اہتمام عمل میں لایا گیا۔
ضلع کے کھنہ بل علاقے سے ہوتے ہوئے ترنگا ریلی کے پی روڈ سے ہوتے ہوئے کئی علاقوں سے گزری۔ ریلی میں شامل پارٹی کارکنان نے بی جے پی کے حق میں نعرے بازی کی۔ BJP Organised Tirangaly Rally in Anantnagترنگا ریلی میں شامل بی جے پی (جموں و کشمیر) کے نائب صدر صوفی یوسف نے ای ٹی وی بھارت کے ساتھ بات کرتے ہوئے کہا: ’’ترنگا ریلی اُن سیاسی جماعتوں کے لیڈران کے لیے چشم کشا ہے جو دعویٰ کرتے تھے کہ کشمیر میں (دفعہ 370 کی تنسیخ کے بعد) ترنگا کوئی نہیں لہرائے گا۔
اسی سلسلے میں ضلع کے ڈورو علاقے میں بھی میونسپل کمیٹی ڈورو، ویری ناگا اور فوج کے اشتراک سے اسکولی طلبہ کے لیے ترنگا ریلی کا اہتمام عمل میں لایا گیا۔ Tiranga rally Kulgamاس حوالے سے ڈورو اسٹیڈیم میں ایک خصوسی تقریب کا بھی اہتمام عمل میں لایا گیا اور قریب 200میٹر لمبا ترنگا لہرایا گیا۔ ریلی میں علاقے کے مختلف اسکولوں، کالجوں سے تعلق رکھنے والے طلبہ نے شرکت کی۔
کولگام میں ترنگا ریلی
جنوبی کشمیر کے ضلع کولگام میں بھی ’آزادی کا امرت مہوتسو‘ کے تحت طلبہ کے لیے خصوصی پروگرام اور ترنگا ریلی کا انعقاد کیا گیا۔ ضلع کولگام میں محکمہ جات سمیت مقامی اسکولوں کی جانب سے مختلف سرگرمیاں منعقد کی جا رہی ہیں۔ Tiranga rally Kulgamپینٹنگ، قومی ترانہ مقابلہ، مضمون نویسی کے مقابلے، کوئز پروگرام سمیت مباحثے اور سیمینار بھی منعقد کیے جا رہے ہیں۔
ترال، پلوامہ میں ترنگا ریلی
ضلع انتظامیہ پلوامہ کی جانب سے بجہ ونی، اسپورٹس گراؤنڈ، ترال میں ایک میگا ترنگا ریلی کا انعقاد کیا گیا جس میں سیکریٹری آر ڈی ڈی مندیپ کور مہمان خصوصی کی حیثیت سے شامل ہوئی جبکہ ضلع ترقیاتی کمشنر بصیر الحق چودھری مہمان ذی وقار کی حیثیت سے شامل ہوئے۔ Tiranga rally in Tralتقریب میں سینکڑوں اسکولی طلباء اور نوجوانوں نے شرکت کرکے حب الوطنی کے گیت گائے۔
مزید پڑھیں: UP Haj Committee Tiranga Rally: یوپی حج کمیٹی کی ترنگا ریلی، لکھنو کے مجاہدین آزادی کی قربانیوں کو یاد کیا
ڈی سی پلوامہ نے اجتماع سے خطاب کرتے ہوئے کہا کہ ’’ہر گھر ترنگا سرگرمیوں کے پیچھے اصل مقصد لوگوں کے دلوں میں حب الوطنی کے جذبات کو ابھارنا اور ہندوستانی قومی پرچم کے بارے میں بیداری کو فروغ دینا ہے۔‘‘ انہوں نے کہا کہ مہم کو فروغ دینے کے لیے ضلع بھر میں ریلیوں، مباحثوں، کوئز، مصوری کے مقابلے اور ثقافتی پروگرامز جیسی سرگرمیاں منعقد کی جا رہی ہیں۔Tiranga rally Pulwama
انہوں نے مزید کہ اس طرح کی تقریبات کے انعقاد سے عوام میں جوش و خروش اور ترنگا کے احترام میں اضافہ ہوتا ہے۔ انہوں نے تمام اسٹیک ہولڈرز پر زور دیا کہ وہ ضلع میں ہر گھر ترنگا لہرانے کے اقدام کو کامیاب بنانے کے لیے تعاون کریں۔ اس موقع پر خاص مہمانوں نے طلباء کے ساتھ ایک خاص وقت صرف کیا اور انکے ساتھ سیلفیاں کھینچی۔Har ghar tiranga
یہ بھی پڑھیں: Jammu DDC on Har Ghar Tiranga Campaign: 'لوگوں کو ترنگا لہرانے کے لیے مجبور نہیں کیا جارہا ہے'
میڈیا سے بات کرتے ہوئے سیکریٹری دیہی ترقی مندیپ کور نے بتایا کہ ترنگا ریلی سے انہیں بہت زیادہ خوشی ہوئی ہے اور اس ریلی کو کامیاب بنانے کے لیے ضلع انتظامیہ مبارکبادی کی مستحق ہے۔ ضلع ترقیاتی کمشنر پلوامہ بصیر الحق چودھری نے بتایا کہ ’’آج ترال کی سرزمین سے پورے ملک میں حب الوطنی کا پیغام گیا ہے اور اسکے لیے یہاں کا عوام اور انتظامیہ مبارکباد کی حقدار ہے۔‘‘Har ghar tiranga Campaign
