ترال۔سیلابی صورتحال سے گانگ کی آبادی پریشان

ترال کے بالائی علاقوں میں گزشتہ دنوں بادل پٹھنے کے حادثات کی وجہ سے لوگوں میں تشویش پیدا ہو گئی ہے۔

ترال ٹاون سے پانچ کلومیٹر دور گانگ نامی گاوں کی آبادی کا کہنا ہے کہ نالے کے ایک طرف رہائش پزیر ہونے کی وجہ سے پورا گاوں سیلاب کی لپیٹ میں آ سکتا ہے۔

کیونکہ فلڈ اینڈ اریگیشن محکمے نے مقامی نالے پر حفاظتی باندھ تعمیر نہیں کئے ہیں۔حالانکہ کئی بار درخواست کی گئی لیکن بے سود ثابت ہوئی۔ ایک مقامی شہری محمد یوسف نے بتایا کہ کل بادل پٹھنے کے بعد طغیانی کی وجہ سے پورے گاوں میں خوف وہراس کا ماحول پیدا ہوگیا ۔

کیونکہ متعلقہ حکام نے دیگر مقامات پر باندھ تعمیر نہیں کیے ہیں۔

اسی وجہ سے پورا گاوں سیلاب کی زد میں آ سکتا ہے انہوں نے ایل جی انتظامیہ سے اس بارے میں فوری مداخلت کی اپیل کی ہے۔