پلوامہ میں سی آر پی ایف کی جانب سے مفت طبی کیمپ کا اہتمام
جموں و کشمیر کے ضلع پلوامہ کے درسو علاقے کے گورنمنٹ مڈل اسکول میں آج سی آر پی ایف کی 182 بٹالین کی جانب سے ایک مفت طبی کیمپ کا اہتمام کیا گیا جس میں آس پاس کے دیہات سے بڑی تعداد میں لوگوں نے اپنا علاج معالجہ کرایا۔ اس موقع پر نہ صرف ان کو تشخیص کی گئی بلکہ مفت ادویات بھی تقسیم کی گئی جسکو لوگوں نے کافی سراہا۔
مقامی لوگوں کے مطابق کہ اس میڈیکل کیمپ میں ہر بیمار کا اچھے ڈھنگ سے علاج کیا گیا جبکہ مفت ادویات بھی فراہم کی گئی جو کافی اچھی ہوتی ہے اور یہ ایک اچھی شروعات ہے، اس سے غریب لوگوں کو بڑی حد تک راحت ملے گی۔ اس مفت طبی کیمپ میں علاقے کی مرد و زن نے شرکت کی جن کا سرکاری ڈاکٹروں کے علاوہ سی آر پی ایف کے ڈاکٹروں نے طبی جانچ کی اور مفت ادویات کے ساتھ ماہرانہ مشورہ بھی دیئے۔
