ترال: جموں وکشمیر میں آراضی کی ڈیجیٹلایزیشن پندرہ ستمبر تک مکمل کی جا رہی ہے اور تیس ستمبر کے بعد لوگوں کے ہاتھوں میں اپنی زمین کے پاس بک دستیاب ہوں گے۔ ان خیالات کا اظہار کمشنر سیکرٹری برائے مال وجے کمار بدوری نے آج ترال کا دورہ کے دوران ذرائع ابلاغ کے نمائندوں سے بات کے دوران کیا۔Digitalisation of Land Records in JK
انہوں نے بتایا کہ جموں وکشمیر میں ڈیجیٹل انڈیا لینڈ ریکارڈز کی ڈیجیٹلایزیشن کے لیے کام ہنگامی بنیادوں پر ہو رہا ہے اور پندرہ ستمبر تک تمام ریکارڈ آن لائن دستیاب ہونگے جبکہ ستمبر کے اواخر تک ہر ایک زمین مالک کو اپنی زمین کا پاس بک ہاتھ میں دستیاب ہوگا جو کہ تین زبانوں میں دستیاب کرایا جائے گا۔Land Passbook in jk
بدوری کا مزید کہنا تھا یہ ایک انقلابی قدم ہوگا اور اسے پورے جموں وکشمیر میں زمین کی جمع بندی کا دشوار مرحلہ مکمل ہوگ۔ا انھوں نے عوام کو یقین دلایا کہ حکومت ان کی زمین کی حفاظت کو یقینی بنانے کے یئے وعدہ بند ہے۔
مزید پڑھیں:
اسے قبل موصوف نے ٹاؤن ہال ترال میں ڈیجیٹل انڈیا لینڈ ریکارڈز کی ڈیجیٹلایزیشن کی پیش رفت کا جائزه لینے کے لیے ایک اعلی سطحی میٹنگ کی صدارت کی۔ میٹنگ میں ضلع ترقیاتی کمشنر پلوامہ بصیر الحق چودھری، ایس ایس پی اونتی پورہ محمد یوسف،اے ڈی سی ترال شبیر احمد رینہ ، اے ڈی سی اونتی پورہ ظفر شال اور ضلع کے تمام تحصیلدار موجود تھے ۔اس موقع پر ڈی سی پلوامہ نے آفیسر موصوف کو پلوامہ ضلع میں لینڈ ریکارڈز کی ڈیجیٹلایزیشن کے بارے میں مکمل جانکاری دی۔
