جموں و کشمیر کے پونچھ ضلع میں لائن آف کنٹرول پر واقع گاؤں کھڑی کرماڈہ کے ایک نوجوان کی پراسرار حالات میں موت ہوگئی۔ لواحقین نے قتل کا امکان ظاہر کیا۔
لواحقین نے لاش کو تھانہ چوک میں رکھ کر مظاہرہ کرتے ہوئے ملزمان کے خلاف مقدمہ درج کرکے مناسب تفتیش کا مطالبہ کیا۔
اطلاع کے مطابق کھڑی کرماڈہ کے رہنے والے محمد آصف ولد محمد صفدر کو جمعرات کی شام کو گاؤں سے شدید زخمی حالت میں علاج کے لیے راجہ سکھدیو سنگھ ڈسٹرکٹ اسپتال لے جایا گیا تھا، لیکن اس کی حالت نازک دیکھ کر جمعہ کو مناسب علاج کے لیے راجوری ریفر کیا گیا لیکن علاج کے دوران نوجوان کی موت ہو گئی۔
ہفتہ کی سہ پہر تین بجے کے قریب لواحقین نے تھانہ پونچھ چوک میں سڑک بلاک کرکے احتجاج کیا اور گائوں کے کچھ لوگوں پر قتل کا الزام عائد کرتے ہوئے ان کے خلاف مقدمہ درج کرکے مطالبہ کیا، ان کی تحویل اور کیس کی تفتیش کا مطالبہ کیا ہے۔
ڈی ایس پی ہیڈ کوارٹر کے علاوہ ایس ایچ اور پونچھ موقع پر پہنچ گئے، کئی سیاسی جماعتوں کے کارکنان کی یقین دہانی کے بعد لواحقین نے لاش کو وہاں سے اٹھا کر احتجاج ختم کیا۔
