مرکز کے زیر انتظام خطہ جموں کے ضلع پونچھ میں کھیلوں کو فروغ دینے کے لیے سرلا بٹالین کی جانب سے ایک کرکٹ ٹورنامنٹ کا انعقاد کیا گیا جس میں ضلع کی 12 ٹیموں نے حصہ لیا۔
اس ٹورنامنٹ کا انعقاد لائن آف کنٹرول سے ملحقہ گاؤں گلپور کرکٹ گراؤنڈ میں ہوا۔ رنجی ٹیم کرناٹک، سابق کھلاڑی قومی ٹی 20 ٹیم (2015) اور رائل چیلنجرز بنگلور کے ہیڈ کوچ شری ناتھ اروند کی موجودگی میں منعقد ہوئی۔
فائنل میچ میں آرمی پورٹرز اور راہل ڈراوڈ اکیڈمی کے کھلاڑیوں کے درمیان میچ ہوا جس میں راہل ڈراوڈ اکیڈمی کی ٹیم نے آرمی پورٹر ٹیم کو شکست دے کر جیت حاصل کی۔
آرمی کے زیر اہتمام ٹی 20 کرکٹ ٹورنامنٹ کی اختتامی تقریب کے دوران نوجوانوں اور بزرگ شہریوں کی بڑی تعداد موجود تھی، اس کے علاوہ سرلا بٹالین کے کمانڈنٹ، علاقے کے پنچ سرپنچ موجود تھے۔
یہ بھی پڑھیں: سرینگر: گولفنگ کے ساتھ شعبۂ سیاحت کو فروغ دینے کی پہل
لوگوں نے کہا کہ فوج کی کوششوں کی وجہ سے نوجوان کھلاڑی ان دور دراز اور سرحدی دیہات کو ایک پلیٹ فارم مل رہا ہے اور نوجوان اس سے فائدہ اٹھا کر قومی اور بین الاقوامی سطح تک پہنچ سکتے ہیں۔ اس کے لیے فوج کی تعاون کی ضرورت ہے اور امید ہے کہ فوج تعاون کرے گی۔
فوجی عہدیداروں نے کہا کہ اس ٹورنامنٹ کا مقصد نوجوانوں کی توجہ منشیات کی طرف سے ہٹاکر کھیلوں کی طرف لے جانا ہے تاکہ وہ منشیات سے دور رہیں۔
واضح رہے کہ جیت درج کرنے والی ٹیم کو پچاس ہزار اور رنر اپ ٹیم کو 35 ہزار روپے انعام کے طور پر دیا گیا۔
