جموں و کشمیر کے سرحدی ضلع پونچھ میں پیر کو لائن آف کنٹرول (ایل او سی) پر مشتبہ پاکستانی طیارہ کی موجودگی پائی گئی جس کے بعد سرحد پر الرٹ کردیا گیا ہے۔
فوج نے فضائی حدود کی خلاف ورزی کے امکان کے بارے میں معلومات کے لئے ایئر فورس کے ساتھ یہ معاملہ اٹھایا۔
سرکاری ذرائع نے بتایا کہ صبح کے اوقات میں پونچھ سیکٹر میں لائن آف کنٹرول کے اوپر دھواں دیکھا گیا جو شاہ پور کے علاقے سے شروع ہوا اور سوجیان پر ختم ہوا۔
ایک ذریعہ نے بتایا "یہ شبہ ظاہر کیا جارہا ہے کہ اس علاقے میں لائن آف کنٹرول کے اوپر سے ایک طیارہ نے 3-5 کلومیٹر کے رقبے کا سفر کیا۔"
انہوں نے کہا کہ 'آج صبح اس علاقے میں بھارت کی طرف سے کسی طیارے کی نقل و حرکت نہیں ہوئی تھی، لہذا یہ بات واضح ہوجاتی ہے کہ مشتبہ طیارہ پاکستان کا تھا کیونکہ پاکستان کے زیر انتظام کشمیر کے علاقے کہوٹہ علاقے میں بھی دھوئیں کی نشاندہی پاکستان کی طرف بڑھی۔
ایک عہدیدار نے اس مسئلے کو تشویش کا باعث قرار دیتے ہوئے کہا ہے کہ فوج نے فضائیہ کے ساتھ یہ معاملہ اٹھایا ہے، جو فضائی خلائی خلاف ورزی کی تصدیق کرنے کا نوڈل اتھارٹی ہے۔
انہوں نے کہا "اگرچہ فضائیہ سے تصدیق کا انتظار ہے لیکن یہ واضح طور پر پاک طیاروں کی نقل و حرکت کا معاملہ لگتا ہے لیکن چاہے وہ بھارتی حدود میں داخل ہوا ہو یا بفر زون کے بالکل اوپر ہی چلا گیا اس معاملہ میں تحقیقات ضروری ہے۔
