جموں و کشمیر کے ضلع پونچھ بس اسٹینڈ پر تقریبا 12:10 منٹ پر ایک ہوٹل میں آگ لگ گئی۔ آگ کی لپٹیں کافی تیز تھیں۔ بس اسٹینڈ پر موجود لوگ آگ کی لپٹیں دیکھ کر کافی ڈر گئے۔ محکمہ فائر بریگیڈ اور قریبی پولیس تھانہ کو بھی آنا فانا اطلاع دی گئی، لیکن تب تک آگ ارد گرد کی دکانوں تک پھیل گئی تھی۔ آگ لگنے کی وجہ گیس کا لیک ہونا بتایا جارہا ہے۔
ہوٹل میں مزید کئی اور سیلینڈر ہونے کی وجہ سے مقامی لوگ بھی آگ کو بجھانے کی ہمت نہیں کر سکے، لیکن فائر بریگیڈ عملہ نے موقع پر پہنچ کر آگ کو بجھانے کی کوشش کی اور آگ پر قابو پا لیا گیا۔
مزید پڑھیں: اننت ناگ: سریگفوارہ انکاؤنٹر میں چار عسکریت پسند ہلاک
ہوٹل مالک موہن لال نے بتایا کہ' گیس لیکیج ہونے کی وجہ سے یہ حادثہ پیش آیا ہے، جس میں ان کا لاکھوں کا نقصان بھی ہو اہے۔ ساتھ ہی ارد گرد کی دو دکانیں بھی آگ کی زد میں آگئیں۔
