مراٹھواڑا کا سب سے بڑا سرکاری ہسپتال گھاٹی میں ہے جو اورنگ آباد میں واقع ہے۔ یہاں پر سات اضلاع کے لوگ اپنا علاج کروانے کے لیے آتے ہیں۔ ضعیف لوگوں کے لیے اس ہسپتال میں الگ سے ایک محکمہ جنرک ڈپارٹمنٹ بنایا گیا ہے۔
یوم بزرگ کے موقع پر ضعیف لوگوں کو جن کی عمر ساٹھ برس سے زیادہ ہے۔ اُن کے لیے طبی جانچ ڈیسک بنایا گیا جس میں ان بزرگوں کی صحت کی جانچ کی جائیں گی اور ساتھ ہی سینیئر سٹیزن کو جو بھی مشکلات کا سامنا کرنا پڑتا ہے۔ انہیں بھی دور کیا جائے گا۔ گورنمنٹ کی جو بھی اسکیم سینیئر سٹیزن کے لیے ہے اس سے بھی انہیں واقف کروایا جائے گا۔
ای ٹی وی بھارت سے بات کرتے ہوئے ڈاکٹر شیلجا نے بتایا کہ 'مہاراشٹر کا پہلا جنرک ڈپارٹمنٹ گھاٹی ہسپتال میں شروع کیا گیا ہے جہاں پر ساٹھ برس سے زیادہ عمر کے لوگوں کی کونسلنگ کر اُن کو طبی خدمت انجام دی جاتی ہے۔
سینیئر سٹیزن میں زیادہ تر ہڈیوں کی بیماری، شوگر، دمہ اور دوسری بیماریاں زیادہ پائی جاتی ہیں جس کی وجہ سے وہ کمزور ہونے لگتے ہیں۔ ان ساری بیماریوں سے کس طرح بچا جائے اس کی صلاح اورنگ آباد کے سرکاری ہسپتال کے متعلقہ محکمے میں دی جاتی ہے۔
