Property Attached In Kashmir کپواڑہ اور شوپیاں میں این آئی اے نے متعدد جائیدادوں کو قرق کیا

این آئی اے نے آج کپواڑہ اور شوپیاں میں جائیدادوں کو ضبط کیا ہے۔ این آئی اے کی خصوصی عدالت سے اجازت ملنے کے بعد ایجنسی نے جائیدادوں کو قرق کیا گیا ہے۔

کپواڑہ: قومی تحقیقاتی ایجنسی (این آئی اے) نے سرحدی ضلع کپواڑہ میں جائیداد کو ضبط کیا۔سرکاری ذرائع نے بتایا کہ قومی تحقیقاتی ایجنسی (این آئی اے) نے سرحدی ضلع کپواڑہ کے منی گاہ میں دولت علی مغل کی تین کنال پانچ مرلہ اراضی کو ضبط کیا۔ انہوں نے بتایا کہ دولت علی مغل کے خلاف این آئی اے نے ایک کیس درج کیا ہوا ہے۔ ان کے مطابق این آئی اے کی خصوصی عدالت سے اجازت کے بعد ہی جائیداد کو قرق کیا گیا ہے۔

درین اثناہ، قومی تحقیقاتی ایجنسی پہاڑی ضلع شوپیاں کے ہرمین گاؤں میں ایک غیرمنقولہ جائیداد کو یو اے پی اے کے تحت ضبط کرلیا۔ تفصیلات کے مطابق این آئی اے کی ٹیم نے شوپیاں کے الورا گاؤں کے اسحاق پالا کے دو کمروں کو منسلک کیا ہے۔ اسحاق پالا کے خلاف یو اے پی اے کے تحت 2018 میں کیس رجسٹرڈ کیا گیا تھا۔