جموں و کشمیر پولیس نے ضلع کپواڑہ سے شدت پسند تنظیم جیش محمد کے عسکریت پسندوں کے معاون کو گرفتار کرنے کا دعویٰ کیا ہے۔
پولیس نے کپواڑہ میں جیش محمد کے عسکریت پسندوں کے ایک ساتھی کو گرفتار کیا ہے۔ اس کے قبضے سے ایک دستی بم اور ساڑھے تین لاکھ روپے نقد برآمد کیا ہے۔
پولیس نے پیر کو شمالی کشمیر کے ضلع کپواڑہ کے علاقے دریگمولا میں عسکری تنظیم جیش محمد کے ایک معاون کو گرفتار کرنے کا دعوی کیا ہے۔
ایک سینئر پولیس عہدیدار نے بتایا کہ پولیس نے ایک چوکی پر جی ایم کے ایک معاون کو ایک چینی ساخت کے دستی بم اور 3 لاکھ روپے کے ساتھ گرفتار کیا ہے۔
عہدیدار نے بتایا ، "یہ شخص ہتھیار خریدنے کے لئے رقم کے ساتھ سوپور سے آیا تھا۔"
تاہم ، سرکاری ذرائع نے گرفتار شدہ عسکریت پسند کے معاون کی شناخت ساحل مشتاق ولد مشتاق احمد ڈار کے طور پر کی ہے، جو بابگنڈ ہندواڑہ کا رہائشی ہے۔
پولیس نے اس معاملے میں ایف آئی آر درج کر لی ہے۔
