جنوبی کشمیر South Kashmirکے ضلع کولگام میں عوام اور پولیس کے درمیان بہتر روابط، دوستانہ ماحول اور شکایات کا ازالہ ممکن بنانے کی غرض سے چولگام علاقے میں پولیس - پبلک دربار کا انعقاد Kulgam Police Public Meetعمل میں لایا گیا۔
پولیس - پبلک دربار میں ضلع پولیس Kulgam Policeکے اعلیٰ افسران، منتخب عوامی نمائندوں سمیت مختلف طبقہ ہائے فکر سے وابستہ افراد نے شرکت کی۔
مقامی باشندوں، پی آر آئی نمائندوں، سیول سوسائٹی ممبران کے علاوہ پنچ سرپنچ صاحبان نے مختلف مسائل کے حوالے سے پولیس انتظامیہ کی توجہ مبذول کرائی۔
پولیس انتظامیہ Kulgam Police نے عوامی شکایات کو ترجیحی بنیادوں پر حل کرنے کی یقین دہانی کی۔
کولگام پولیس نے سماج سے منشیات کا قلع قمع کرنے، امن و استحکام کو برقرار رکھنے میں پولیس کا تعاون دینے کی بھی اپیل کی۔
پولیس - پبلک دربار میں شریک پنچایتی راج نمائندوں، مختلف ٹریڈ فیڈریشن سے وابستہ افراد کے علاوہ مقامی باشنوں نے پولیس - پبلک دربار کے انعقاد کا خیر مقدم کرتے ہوئے اسے ایک خوش آئند قدم قرار دیا۔
