کولگام: جنوبی کشمیر کے ضلع کولگام کے تاچھلو گاؤں میں اتوار کی صبح اس وقت سراسیمگی پھیل گئی جب مقامی لوگوں نے 50 سالہ شخص کی لاش درخت پر لٹکتے ہوئے دیکھی۔ سرکاری ذرائع نے بتایا کہ اتوار کی صبح جنوبی ضلع کولگام کے تاچھلو گاؤں میں ایک شخص کو درخت پر لٹکتے ہوئے دیکھا گیا۔ بعد ازاں مقامی لوگوں نے اس بارے میں پولیس کو مطلع کیا۔
پولیس ٹیم فوری طورپر جائے وقوع پر پہنچی اور لاش کو تحویل میں لے کر دفعہ 174 کے تحت کیس درج کر کے تحقیقات شروع کی۔متوفی کی شناخت مشتاق احمد ڈار ولد رزاق ڈار ساکن آدور بجبہاڑہ کے بطور ہوئی ہے۔ معلوم ہوا ہے کہ متوفی پیشے سے ترکھان تھا اور جمعے کے روز گھر سے کسی کے کام کے سلسلے میں نکلا تھا، تب سے اُس کا کچھ پتہ نہیں چل رہا تھا۔ اتوار کے روز اُس کی لاش کولگام کے تاچھلو گاؤں میں درخت سے لٹکتے ہوئے پائی گئی۔ پولیس نے طبی اور قانونی لوازمات پورے کرنے کے بعد لاش وارثین کے سپرد کر دیا۔
یہ بھی پڑھیں:
