جنوبی کشمیر کے ضلع کولگام کے علاقے لیرو میں محاصرہ شروع کیا گیا ہے۔
تفصیلات کے مطابق سیکیورٹی ایجنسیوں کو علاقے میں متعدد عسکریت پسندوں کے چھپے ہونے کی اطلاع ملی ہے جن کی تلاش کے لیے بڑے پیمانے پر تلاشی کارروائی شروع کر دی گئی ہے۔
مقامی ذرائع کے مطابق علاقے کے سبھی داخلی اور خارجی راستوں کو بند کیا گیا ہے اور گھر گھر تلاشی شروع کر دی گئی ہے۔
اطلاع ملنے تک عسکریت پسندوں اور سیکیورٹی فورسز کا آمنا سامنا نہیں ہوا تھا اور نا ہی کسی کی گرفتاری عمل میں لائی گئی۔
لیرو گاؤں کولگام ٹاؤن سے تین کلو میڑ دور ہے۔
علاقے میں مزید سیکیورٹی فورسز کو طلب کیا گیا ہے۔
سی آر پی ایف، ایس او جی اور کئی سیکیورٹی ایجنسیاں علاقے کی طرف روانہ ہوگئی ہیں۔
آخری اطلاع ملنے تک تلاشی کارروائی جاری تھی۔
