Militants Property Attached in Kishtwar ایس آئی یو نے کشتواڑ میں تیرہ عسکریت پسندوں کی جائیداد قرق کردی

ایس آئی یو نے ہفتے کے روز کشتواڑ ضلع میں 13 عسکریت پسندوں کی جائیداد منسلک کی۔ پولیس کے مطابق یہ عسکریت پاکستان یا پاکستان زیر قبضہ کشمیر میں اس وقت مقیم ہیں اور وہاں سے جموں وکشمیر میں عسکریت پسندوی کو فروغ دینے میں کردار ادا کرتے ہے۔

کشتواڑ: اسٹیٹ انوسٹی گیشن یونٹ (ایس آئی یو) نے ہفتے کے روز پاکستان میں مقیم کشتواڑ کے 13 عسکریت پسندوں کی غیر منقولہ جائیداد قرق کردی ۔
اطلاعات کے مطابق ایس آئی یو نے ہفتے کے روز کشتواڑ ضلع میں 13 عسکریت پسندوں کی جائیداد منسلک کی۔پولیس ذرائع نے بتایا کہ پاکستان میں مقیم مقامی ملیٹینٹوں کی جائیداد کے بارے میں پتہ چلا جس کے بعدا نہیں اٹیچ کیا گیا۔پولیس کی طرف سے اٹھائے گئے اس اقدام کا مقصد جنگجوؤں کے غیر قانونی نیٹ ورک کو ختم کرکے عسکریت پسندوں کی مزید کارروائیوں کو انجام دینے کی صلاحیت کو محدود کرنا مقصود ہے۔

ایس آئی یو نے کشتواڑ میں تیرہ عسکریت پسندوں کی جائیداد قرق کردی

انہوں نے مزید بتایا کہ جائیداد کی قرقی عسکریت پسندوں اور ان کے سہولیت کاروں کے لئے ایک واضح پیغام ہے کہ اس طرح کی کارروائیوں میں ملوث افراد کے خلاف بھی سخت کارروائی عمل میں لائی جائے گی۔انہوں نے مزید بتایا کہ عسکریت پسندوں اور ان کے حامیوں کے خلاف کریک ڈاؤن جاری رہے گا۔

واضح رہے کہ قومی تفتیشی ایجنسی (این آئی اے) ، اسٹیٹ تفتیشی ایجنسی اور جموں وکشمیر پولیس کی ایس آئی یو یونٹ نے عسکریت پسندوں اور ان کے سہولیت کاروں کے خلاف بڑے پیمانے پر آپریشن شروع کیا ہوا ہے۔ اس مہم کے تحت ملی ٹینٹوں کی جائیدادیں اٹیچ کی جارہی ہیں۔اسی مہم کے تحت آئے روز جموں وکشمیر کے مختلف مقامات پر چھاپہ مار کارروائی انجام دے رہی ہیں۔ بتایا جارہا ہے کہ علیحدگی پسندی سے جڑے معاملات کی تحقیقات اور دیگر کئی معاملات کو لیکر یہ چھاپہ مار کارروائی انجام دی جارہی ہے۔