بنگلور: کرناٹک کے دارالحکومت بنگلور میں کشمیری خاتون عظمت علی میر نے سرپوش ریسٹورنٹ اینڈ ٹی روم نام سے ریسٹورنٹ شروع کیا ہے جو کھانے کے شوقین لوگوں میں مقبولیت حاصل کر رہا ہے۔ سرپوش شہر گلستان میں کشمیری ذائقوں کا ایک مرکز ہے، جہاں مستند کشمیری پکوان پیش کئے جاتے ہیں۔ سرپوش ایک ایوارڈ یافتہ فارم سے ٹیبل تک مستند کشمیری ریسٹورنٹ ہے جو کہ کشمیر کے کھانوں کا ذائقہ اور ثقافت کو بنگلور میں پہنچارہا ہے۔ سرپوش میں مقامی کشمیری وازوان کو روایتی طور پر پکایا جاتا ہے اور یہ بنگلور میں پہلا ایسا ریسٹورنٹ ہے جو کشمیری کھانوں کا ذائقہ فراہم کرتا ہے۔ Kashmiri Food Restaurant in Bangalore
کشمیری کویزین کے متعلق ریسٹورنٹ کی ڈائریکٹر عظمت علی میر نے بتایا کہ کشمیر کے خاص کھانے جیسے گوشتابہ اور وازوان کی یہاں پر خوب ستائش کی جاتی ہے اور کھانے والے اس پکوان کو بہت زیادہ پسند کرتے ہیں۔ سرپوش کو متعدد اداروں کی جانب سے کئی ایوارڈز سے نوازا جا چکا ہے۔ جن میں ای ٹی ہاسپیٹیلٹی ورلڈ ریسٹورنٹ اور نائٹ لائف ایوارڈز 2022 سے قابل ذکر ہیں۔
اس کے علاوہ بہترین آرام دہ کھانے (جنوبی) جیوری چوائس (فاتح)، ٹائمز فوڈ اینڈ نائٹ لائف ایوارڈز 2022، ریسٹورنٹ آف دی ایئر، ٹائمز فوڈ اینڈ نائٹ لائف ایوارڈز، کشمیر ریسٹورنٹ 2022 فاتح، ٹائمز فوڈ اینڈ نائٹ لائف ایوارڈز 2021، بہترین کشمیری ریسٹورنٹ (ڈائننگ اینڈ ڈیلیوری)، بزنس منٹ نیشن وائیڈ ریسٹورنٹ اور مہمان نوازی ایوارڈز 2021 کے ایوارڈز بھی سرپوش ریسٹورنٹ کو مل چکے ہیں۔
