مرکز کے زیرانتظام جموں کے رگوناتھ بازار اور ریزڈینسی روڈ میں گاڑیوں کی پارکنگ کی سہولیات دستیاب نہ ہونے سے دوکانداروں کے کاروبار پر اثر پڑ رہا ہے۔ دوکانداروں کا کہنا ہیں کہ خریداروں کے لئے گھاڈی پارکنگ کی کوئی جگہ دستیاب نہیں ہے اور حکومت سے خریداروں کے لئے پارکنگ کی جگہ کا مطالبہ کیا ہے۔
رگوناتھ بازار میں ایک دوکاندار کنو شرما نے ای ٹی وی بہارت کے ساتھ بات کرتے ہوئے کہا کہ 'پہلے تو کورونا وائرس کی وجہ سے ہماری دوکانیں بند تھیں تاہم اب جب سرکار کی طرف سے دوکانیں کھولنے کی اجازت ملی تاہم پارکنگ نا ہونے سے ہمارے پاس خریدار نہیں آ رہیے ہیں۔ ہم سرکار سے اپیل کرتے ہیں کہ گاڈیوں کو پارک کرنے کی جگہ دی جائے تاکہ ہمارا کام متاثر نہ ہو۔
ایک اور دوکاندار نے کہا کہ ”ہمیں اگر سڑک کے ایک طرف ہی خریداروں کی گاڑیاں رکھنے دی جائیں تو اس سے ہمارا کاروبار کسی حد تک چل پائے گا“۔ انہوں نے کہا کہ ”پہلے ہمارا کاروبار چار ماہ کے لئے بند پڑا تھا اب دوسری پریشانی ہمارے گلے پڑگئی ہے۔ ہماری مانگ ہے کہ جب تک پارکنگ کی جگہیں تیار نہیں کی جاتی تب تک خریداروں کے لئے یہ چھوٹ دی جانی چاہیے کہ وہ 10 منٹ تک گاڑی کو پارک کرنے کا اجازت دے۔
