وادیٔ کشمیر میں یکم جون سے شروع ہونے والی امرناتھ یاترا کے دوران یاتریوں کو تمباکو کنٹرول قانون کی مکمل پاسداری کی ہدایت دی گئی ہے اور ان کو کہا گیا ہے کہ 'کوئی بھی تمباکو و دیگر منشیات ساتھ لانے کی اجازت نہیں دی جائے گی۔ محکمۂ صحت کے ڈائریکٹر نے حکم نامہ جاری کرتے ہوئے کہا کہ 'یاتریوں کو تمباکو کنٹرول ایکٹ پر من و عن عمل کرنا ہوگا اور چندن واڑی اور بالتل کے بیس کیمپوں میں تمباکو مصنوعات ساتھ رکھنے کی اجازت نہیں ہوگی۔ Amarnath Yatra Tobacco-free this year
محکمۂ صحت کے ڈائریکٹر نے کہا کہ 'پولیس اور دیگر متعلقہ عملہ ان قانون کے نفاذ کے لیے متحرک رہے گی۔ موصوف نے مزید کہا کہ 'یاترا کے دوران اور اس کے راستوں پر تمباکو کے مضر اثرات کے متعلق پوسٹر اور دیگر جانکاری دستیاب رکھی جائے گی۔ یاد رہے کہ جموں و کشمیر میں یکم جون سے امرناتھ یاترا کا آغاز ہوگا جس دوران 8 لاکھ یاتریوں کی آمد متوقع ہے۔ انتظامیہ اس سالانہ یاترا کے انعقاد کے لیے تیاریوں میں مشغول ہے۔'
