گاندربل: ناگبل کے النور ڈائلیسس سینٹر میں آتشزدگی

وسطی کشمیر کے ضلع گاندربل میں واقع ناگبل کے النور ڈائلیسس اور ہیلتھ سینٹر میں اتوار کی سہ پہر خوفناک آتشزدگی پیش آئی ہے۔ وہیں اس حادثے میں کسی جانی نقصان کی اطلاع نہیں ہے۔

ضلع گاندربل کے علاقے ناگبل میں النور ڈائلیسس اور ہیلتھ سینٹر میں اتوار کی سہ پہر خوفناک آتشزدگی میں عمارت کی اوپر والی منزل خاکستر ہوگئی۔

ایک عہدیدار نے بتایا کہ پولیس چوکی ناگبل کے بالکل قریب النور ڈائلیسس اور ہیلتھ سینٹر میں آگ نمودار ہونے کے ساتھ ہی عمارت کا اوپر والا حصہ مکمل طور پر خاکستر ہوگیا۔

انہوں نے بتایا کہ مقامی لوگوں، پولیس اور فائر سروس کے جوانوں نے اگرچہ موقع پر پہنچ کر آگ بجھانے کی کارروائی شروع کی۔

اس دوران پولیس نے معاملے کی نسبت کیس درج کرکے تفیتش شروع کردی ہے۔