گزشتہ شب ضلع گاندربل کے ززنہ علاقے میں تین سالہ بچی کی لاش باغات سے برآمد ہوئی، مقامی باشندوں کے مطابق بچی کو تیندوا اٹھا کر لے گیا تھا۔
جنگلی جانور کے حملے میں کمسن بچی کی ہلاکت کے بعد ززنہ، گاندربل میں خوف و ہراس کا ماحول ہے وہیں محکمہ وائلڈ کی ٹیم نے ’آدم خور‘ تیندوے کی تلاش شروع کر دی ہے۔
مقامی باشندوں کے مطابق کمسن بچی کو تیندوا گزشت شب اس وقت اٹھا کر لے گیا جب وہ اپنی دادی کے ہمراہ گاڑی میں تھی۔ انہوں نے بتایا کہ واقعے کی اطلاع ملتے ہی مقامی باشندوں، محکمہ وائلڈ لائف اور پولیس کی ٹیم نے بچی کی تلاش شروع کر دی اور چند گھنٹوں کے بعد ہی اسکی لاش مقامی کھیت سے برآمد ہوئی۔
محکمہ وائلڈ کی ٹیم نے پیر کی صبح ززنہ علاقے میں تیندوے کی تلاش شروع کر دی ہے، وہیں انہوں نے علاقے کے باشندوں کو ہوشیار رہنے اور بچوں کو تنہا گھروں سے باہر نہ بھیجنے کی اپیل کی ہے۔
مزید پڑھیں: گاندربل: تین سالہ بچی کی لاش برآمد
قابل ذکر ہے کہ گزشتہ کئی ہفتوں سے وادی کشمیر کے طول ارض میں جنگلی جانوروں کے انسانی بستیوں میں آکر چوپائوں اور انسانوں پر حملے کے کئی واقعات رونما ہوئے ہیں۔
