ڈوڈہ: جموں و کشمیر کے ضلع ڈوڈہ میں پولیس کی طرف سے سیوک ایکشن پروگرام کے تحت کیمونٹی ہال ڈوڈہ میں ''منشیات کے مضحر اثرات اور فرقہ وارانہ ہم آہنگی'' کے موضوع پر ایس ایس پی عبدالقیوم کی قیادت میں نکڑ ناٹک ڈرامہ پیش کیا گیا۔
اس موقع پر ضلع ترقیاتی کمشنر وکاس شرما مہمان خصوصی جب کہ سیول سوسائٹی میونسپل کونسل کے صدر وید پرکاش گپتا بطور مہمان موجود تھے Doda police organized a drug awareness program۔
نُکڑ ناٹک کی ٹیم نے اپنے کردار کے ذریعے منشیات کے استعمال کے بُرے اثرات اور فرقہ وارانہ ہم آہنگی کو مضبوط بنانے کے لئے کی جارہی کوششوں کی منظر کشی کی اور شرکا تک یہ پیغام پہنچایا کہ منشیات کس طرح سماج میں بُرائیوں کو پیدا کر رہا ہے۔
اس موقع پر نوجوان نسل کو فرقہ وارانہ ہم آہنگی کو قائم رکھنے اور فروغ دینے کے لیے ترغیب دی گئی۔
ایس ایس پی ڈوڈہ نے میڈیا سے بات کرتے ہوئے پروگرام کے اغراض و مقاصد پر بات کی۔
انہوں نے بتایا کہ سماج میں منشیات کا استعمال ایک لا علاج بیماری بن گیا ہے جس پر قابو پانا وقت کی اہم ضرورت ہے جس کے استعمال سے ملک کا اثاثہ نوجوان نسل برباد ہو رہا ہے۔
پولیس کی طرف سے ضلع میں منشیات مخالف مہم چلائی جا رہی ہے تاکہ منشیات فروشوں استعمال کرنے والوں پر قدغن لگائی جا سکے۔
پولیس نے منشیات فروشوں کے خلاف سخت کاروائی کا عندیہ دیا اور بتایا کہ بار بار اس عمل میں ملوث افراد کو پی ایس اے کے تحت جیل بھی بھیجا جا رہا ہے۔
مزید پڑھیں:
ایس ایس پی نے نوجوانوں کے والدین سے اپیل کرتے ہوئے کہا کہ نوجوانوں کو اس لت سے بچانے کے لئے والدین آگے آئیں اور پولیس کو تعاون دیں تاکہ سماج سے اس بدعت کا مکمل طور خاتمہ کیا جا سکے اور سماج میں کہیں بھی اس کاروبار کو کرنے والوں کی جانکاری پولیس تک پہنچائیں۔
اس موقع پر ظفراللہ راتھر، وید پرکاش گپتا، ایس پی ہیڈ کواٹر ماسٹر پوپسی نے بھی خطاب کیا۔
