گاندربل: جموں و کشمیر کے ضلع گاندربل کے ڈپٹی کمشنر شیامبیر نے ضلع ہسپتال گاندربل میں عام لوگوں کے لیے مفت ای رکشہ سروس کا افتتاح کیا۔ یہ مفت ای رکشہ سروس این جی او آتھروٹ کی ایک پہل ہے جو ان مریضوں اور خدمت گزاروں کی سہولت کے لیے شروع کی گئی ہے جنہیں قومی شاہراہ اور دور دراز سے ضلع ہسپتال تک پیدل جانا پڑتا ہے۔ اس موقع پر بشیر ندوی، چیئرمین آتھروٹ نے ڈی سی کو بتایا کہ یہ ای رکشے لوگوں کو مفت خدمات فراہم کریں گے Ganderbal Deputy Commissioner inaugurates free e-rickshaw service۔
قابل ذکر بات یہ ہے کہ ای رکشا کی خریداری کی لاگت 1.20 لاکھ روپے ہے اور فی چارج 70 کلومیٹر کا مائلیج فراہم کرے گا۔ اس سلسلے میں ضلع ہسپتال میں چارجنگ پوائنٹس بھی بنائے گئے ہیں۔ اس موقع پر بات کرتے ہوئے، ڈی سی نے این جی او آتھروٹ کی کاوشوں کو سراہتے ہوئے کہا کہ یہ مریضوں کے ساتھ ساتھ اٹینڈنٹ کے لیے مین روڈ سے ہسپتال تک سفر کو آسان بنائے گا۔ انہوں نے عوام الناس سے بھی اپیل کی کہ وہ ضلع ہسپتال کا دورہ کرنے کے دوران اس سروس سے استفادہ کریں۔
مزید پڑھیں:
- DLSA Ganderbal Organised Legal Awareness Programme : گھریلو تشدد سے متعلق گاندربل میں آگاہی پروگرام منعقد
- Students Stage Protest In Ganderbal: گاندربل میں اسکولی طالبات نے سرینگر لداخ شاہراہ پر دھرنا دیا
ڈپٹی کمشنر نے میڈکل سپرنٹنڈنٹ ضلع ہسپتال اور چیئرمین آتھروٹ کے ساتھ ہسپتال کے احاطے میں ای رکشہ میں ایک مختصر سواری بھی کی تاکہ اس کے آرام اور مضبوطی کی جانچ کی جا سکے۔ اس موقع پر ایم ایس، ڈی ایچ، ڈاکٹر نکہت، چیئرمین آتھروتھ، بشیر ندوی، اور سول سوسائٹی کے کنوینر ڈاکٹر خورشید اور ضلع ہسپتال کے افسران بھی موجود تھے۔
