ضلع گاندربل کے مشہور سیاحتی مقام سونا مرگ میں علاقہ ہنگ، کچھوا موڑ کے قریب سرینگر - لیہہ شاہراہ پر پیر کی صبح ایک جے سی بی نالہ سندھ کے تیز پانی کے بہاؤ میں لڑھگ گیا۔
جے سی بی نالہ سندھ میں جا گرا، ڈرائیور زخمی، کنڈکٹر لاپتہ
اس حادثے میں جے سی بی ڈرائیور شدید زخمی ہوگیا جب کہ کنڈکٹر پانی کے تیز بہاؤ میں غرقاب ہوگیا۔
حادثے کی اطلاع ملنے کے فوراً بعد پولیس اسٹیشن سونا مرگ کی ٹیم حادثے کے مقام پر پہنچی اور بچاؤ کارروائی شروع کی۔
- مزید پڑھیں؛ گاندربل: غیر قانونی ادویات کے ساتھ پانچ گرفتار
پولیس کے مطابق ’’سخت کوششوں کے بعد زخمی ڈرائیور کو بچالیا گیا اور اسے فوری طور پی ایچ سی سونا مرگ منتقل کیا گیا تاہم جے سی بی کا کنڈیکٹر ہنوز لاپتہ ہے اور بچاؤ کارروائی جاری ہے۔‘‘
