وسطی کشمیر کے ضلع گاندربل میں آنگن واڑی ورکروں اور ہلپروں نے بیہامہ میں احتجاج کرتے ہوئے آنگن واڑی ورکروں کے دیرینہ مطالبات کو پورا کیے جانے کی مانگ کی۔ احتجاج کررہی آنگن واڑی ورکرز نے انتظامیہ کو تنقید کا نشانہ بناتے ہوئے کہا کہ ’’کورونا وائرس کی وبائی صورتحال ہو یا ٹیکہ کاری مہم، آسمانی آفات ہوں یا عوامی آگہی مہم، آنگن واڑی ورکروں نے ہمیشہ فرنٹ لائن پر کام کیا ہے۔ تاہم اس کے باوجود آنگن واڑی ورکرز کو اجرتوں سے محروم رکھا جارہا ہے۔‘‘
گاندربل کے لار علاقے میں آنگن واڑی ورکروں کا احتجاج
انہوں نے کہا کہ وہ قلیل اجرتوں پر کام کررہی ہیں اس کے باوجود انہیں تنخواہوں سے محروم رکھا جارہا ہے۔
مزید پڑھیں: گاندربل: زیر تعمیر اسپتال کی عمارت اوباش افراد کی آماجگاہ میں تبدیل
احتجاج کررہی خواتین نے رکی پڑی تنخواہوں کو واگزار کرنے کے علاوہ انتظامیہ سے مشاہرہ میں اضافہ کیے جانے کا مطالبہ بھی کیا۔
