نئی دہلی: کانگریس نے مہنگائی کے مسئلہ پر بحث کا مطالبہ کرتے ہوئے لوک سبھا میں ہنگامہ آرائی کی جس کی وجہ سے ایوان کی کارروائی پیر کو دن بھر کے لئے ملتوی کر دی گئی۔ جیسے ہی 2 بجے ایوان کی کارروائی شروع ہوئی کانگریس کے ارکان مہنگائی کے مسئلہ پر بحث کا مطالبہ کرتے ہوئے ایوان کے وسط میں آگئے اور نعرے بازی شروع کردی۔ پریسائیڈنگ آفیسر راجندر اگروال نے ہنگامہ آرائی میں ضروری کاغذات میز پر رکھے۔ وزیر قانون کرن رجیجو نے ہنگامہ آرائی کے درمیان فیملی کورٹس (ترمیمی) بل 2022 پیش کیا۔
ہنگامہ آرائی کے درمیان کانگریس رہنما ادھیر رنجن چودھری نے کہا کہ وہ فیملی کورٹ (ترمیمی) بل 2022 کی مخالفت کرتے ہیں۔ حکومت پہلے مہنگائی کے معاملے پر ایوان میں بحث کرے۔ کانگریس کے ارکان کے علاوہ راشٹریہ لوک تانترک پارٹی کے ہنومان بینوال بھی ایوان کے وسط میں پلے کارڈ لے کر آئے۔ Rucks in Parliament over Inflationانہوں نے فوج کی بھرتی میں لائی گئی اگنیور اسکیم کو واپس لینے کا مطالبہ کرتے ہوئے نعرے لگائے۔ ایوان میں بڑھتے ہوئے ہنگامے کو دیکھتے ہوئے پریزائیڈنگ آفیسر نے ایوان کی کارروائی دن بھر کے لیے ملتوی کر دی۔
اس سے قبل مانسون اجلاس کے پہلے دن لوک سبھا اسپیکر اوم برلا نے چار لوک سبھا سیٹوں کے ضمنی انتخابات میں جیتنے والے ارکان کو حلف دلایا۔ پنجاب کی سنگر سیٹ سے جیتنے والے سمرن جیت سنگھ مان، اتر پردیش کی رام پور سیٹ سے جیتنے والے گھنشیام سنگھ لودھی، اعظم گڑھ سیٹ سے منتخب ہونے والے دنیش لال یادو 'نرہوا اور مغربی بنگال کی آسنسول سیٹ سے منتخب ہونے والے شتروگھن پرساد سنہا نے حلف لیا۔
حلف برداری کے بعد اسپیکر نے تینوں غیر ملکی سابق سربراہان حکومت کے ساتھ سابق اراکین رابندر کمار رانا، ٹی بشیر، نوال کشور رائے، سابق مرکزی وزیر سکھرام، حسین دلوائی، شیواجی پٹنائک، کے انتقال کے بارے میں بتایا۔ چکرادھری سنگھ اور ہری ونش سہائے اور ایوان نے دو منٹ کی خاموشی اختیار کی اور مرحوم کی روح کے سکون کے لیے دعا کی اور خراج عقیدت پیش کیا۔ صدارتی انتخاب کے لیے ووٹنگ میں جوش و خروش سے حصہ لینے کی اپیل کرتے ہوئے ایوان کی کارروائی دو بجے تک ملتوی کر دی گئی۔
یو این آئی
