ووٹنگ کے بعد مختلف چینلس کی جانب سے ایکزٹ پولس کے نتائج آنا شروع ہوگئے ہیں جن میں عام آدمی پارٹی کو دہلی انتخابات میں شاندار کامیابی حاصل کرتے ہوئے دکھایا جارہا ہے۔
’ٹائمز ناؤ‘ ایکزٹ پولس کے مطابق دہلی انتخابات میں عام آدمی پارٹی کو 44، بی جے پی کو 25 نشستیں حاصل ہونے کی پیش قیاسی کی جارہی ہے۔
’ری پبلک۔ جن کے بات‘ کے ایکزٹ پولس نے پیش قیاسی کرتے ہوئے بتایا ہے کہ عام آدمی پارٹی کو 48 تا 61 اور بی جے پی کو 9 تا 21 نشستیں حاصل ہوں گی۔
’اے بی پی ۔ سی ووٹر‘ نے اپنے ایکزٹ پول میں بھی عام آدمی پارٹی کی سبقت کو ظاہر کیا ہے۔ یہاں پر عاپ کو 49 تا 63، بی جے پی کو 5 تا 19 اور کانگریس کو صفر تا 4 سیٹیں ملنے کی بات کہی گئی ہے۔
وہیں ’نیوزایکس۔نیٹا‘ نے ایکزٹ پول میں پیش قیاسی کی ہے کہ دہلی انتخابات میں عام آدمی پارٹی کو 53 تا 57، بی جے پی کو 11 تا 17 اور کانگریس کو صفر تا 2 نشستیں حاصل ہوں گی۔
’نیوز ایکس۔ پول اسٹار‘ کے مطابق دہلی انتخابات میں عام آدمی پارٹی کو 50 تا 56 اور بی جے پی کو 10 تا 15 نشستیں ملنے کی امید ہیں۔
