اطلاعات کے مطابق یہ واقعہ اکشے متل کے گھر میں پیش آیا جو پیشے سے ایک کاروباری ہیں،وہ ارجن نگر کے اپنے گھر میں اہلیہ، والدین اور نو ماہ کی اپنی بچی کے ساتھ رہتے ہیں۔
معمول کے مطابق سوموار کے روز اکشے اور ان کے والد کاروبار کے سلسلے میں گھر سے باہر چلے گئے تھے، اور گھر کی خواتین نے مرکزی دروازے کو اچھی طرح سے بند کردیا ۔
تبھی دروازے کی گھنٹی بجی، گھر کی نوکرانی نے دروازہ کھولا تو سامنے نقاب پوش اہک خاتوں کھڑی تھی، جو فوراً ہی نوکرانی کے گود سے بچے کو چھین کر بھاگنے لگی،
معاملے کو دیکھ کر پیچھے سے بچی کی دادی آگئی اور خاتون سے اپنی پوتی کو چھین لی۔ اس کے بعد بچہ چھیننے والی خاتون نے معمر خاتون پر چاقو سے حملہ کر دیا جس میں وہ زخمی ہو گئیں۔
موقع دیکھ کر،خاتون بھاگنے کی کوشش کی لیکن نوکرانی نے شور مچانا شروع کر دیا۔ جس سے مقامی لوگ جمع ہو گئے اور خاتون کو دبوچ لیا گیا۔
واقعے کی اطلاع ملتے ہیں موقع پر پہنچی پولیس نے خاتون کو گرفتار کرکے پوچھ گچھ شروع کر دی، پولیس کے مطابق خاتون ساکیت نگر کی بتائی جا رہی ہے جو ساکیت نگر میں ہی اپنا ایک نجی اسکول چلاتی ہے۔
