نئی دہلی: وزیر دفاع راج ناتھ سنگھ کی صدارت میں منگل کے روز منعقدہ ڈیفنس ایکوزیشن کونسل (ڈی اے سی) کی میٹنگ میں 4,276 کروڑ روپے کے تین اسلحہ سسٹم کی خریداری کو منظوری دی گئی۔ ان تین دفاعی سودوں میں سے دو سودے بھارتی فوج کے لیے اور ایک بھارتی بحریہ کے لیے (انڈین-آئی ڈی ڈی ایم زمرے کے تحت) خریداری کی تجویز ہے۔ ڈیفنس ایکوزیشن کونسل نے اینٹی ٹینک گائیڈڈ میزائل - ہیلینا، لانچر اور دیگر متعلقہ لوازمات کی خریداری کے لیے اپنی رضامندی دے دی ہے۔ ان سب کو ایڈوانسڈ لائٹ ہیلی کاپٹر (ALH) میں ضم کیا جائے گا۔ میزائل دشمن کے خطرے کا ٹھوس مقابلہ کرنے کے لیے جدید لائٹ ہیلی کاپٹر کے ہتھیاروں کا ایک لازمی حصہ ہے۔ فوجی قوت میں ان دفاعی مصنوعات کے شامل ہونے سے ہندوستانی فوج کی جارحانہ صلاحیت مزید مضبوط ہوگی۔ Approval of purchase of weapons systems
یہ بھی پڑھیں: Air Force Day 2022 ایئر فورس کے لیے اسلحہ سسٹم برانچ کو منظوری
یو این آئی
