PDP Leaders on Farooq Abdullah فاروق عبداللہ مذہبی معاملات میں مداخلت نہ کریں، پی ڈی پی رہنماؤں کی پریس کانفرنس

یسین بھٹ نے کہا کہ گولگام اسکول کا ایک ویڈیو وائرل ہوا تھا جس میں مسلم طلبا کو بھجن گاتے ہوئے دکھایا گیا، جس کے بعد محبوبہ مفتی نے اس کی مذمت کی تھی لیکن فاروق عبداللہ نے اس معاملہ میں بیان دیتے ہوئے کہا کہ ایسا کرنے سے کوئی ہندو نہیں ہوجاتا۔ Farooq Abdullah Should Not Interfere in Religious Matters

بڈگام: جموں و کشمیر کے بڈگام میں پیپلز ڈیموکریٹک پارٹی کے ضلع صدر محمد یٰسین بھٹ نے آج ایک پریس کانفرنس کا انعقاد کیا جس میں انہوں نے کہا کہ نیشنل کانفرنس کے سربراہ ڈاکٹر فاروق عبداللہ کو مدہبی معاملات میں مداخلت نہیں کرنی چاہیے۔ Farooq Abdullah Should Not Interfere in Religious Matters

انہوں نے میڈیا سے بات کرتے ہوئے کہا کہ ڈاکٹر فاروق عبداللہ کا کہنا ہے کہ مسلمان طالب علموں کی جانب سے بھجن گانا کوئی غلط بات نہیں ہے اور بھجن گانے سے مذہب تبدیل نہیں ہوتا۔ فاروق عبداللہ کا مزید کہنا ہے کہ وہ بھی بھجن گاتے ہیں اور کیا اس سے میں ہندو بن جاؤں گا۔ یسین بھٹ نے کہا کہ گولگام اسکول کا ایک ویڈیو وائرل ہوا تھا جس میں مسلم طلبا کو بھجن گاتے ہوئے دکھایا گیا،جس کے بعد محبوبہ مفتی نے اس کی مذمت کی تھی لیکن فاروق عبداللہ نے اس معاملہ میں بیان دیتے ہوئے کہا کہ ایسا کرنے سے کوئی ہندو نہیں ہوجاتا۔

یسین بھٹ نے کہا کہ فاروق عبداللہ کو مذہبی معاملات میں مداخلت نہیں کرنی چاہئے۔ وہ ایک سیاسی رہنما ہیں، انہیں مقامی لوگوں کے جذبات سے نہیں کھیلنا چاہئے۔ انہوں نے کہا کہ بھجن گانا ہمارے مذہب کے خلاف ہے اور اس طرح کے واقعات کی مذمت کی جانی چاہئے۔