بھارتی بحریہ کی پہلی خاتون پائلٹ

بھارتی حکومت نے بیٹی بچاؤ، بیٹی پڑھاؤ کا نعرہ دیا ہے تا کہ ملک کی بیٹیاں ہر محاذ پر لڑکوں کے شانہ بشانہ رہیں۔ اس بات کی بہتر مثال ہے بہار کی شیوانگی سواروپ جو بھارتی بحریہ کی پہلی خاتون پائلٹ ہیں۔

شیوانگی سواروپ وہ نام ہے جس نے ایک بار پھر سے بہار کا نام روشن کیا۔ مظفر پور کے پارو بلاک میں واقع فتح آباد کی بیٹی شیوانگی نے 2019 میں اپنے بچپن کے خواب کو پورا کرتے ہوئے بحریہ میں پہلی خاتون پائلٹ بننے کا اعزاز حاصل کیا۔

ملک کی خدمت کا جذبہ اور آنکھوں میں بھروسے کی چمک اب شیوانگی کی شناخت ہے۔ بہار کی یہ بیٹی بحریہ میں سفید ڈورنیر 228 ٹوین ٹربوپروپ طیارہ اڑاتی ہیں۔ انہوں نے گزشتہ برس 2 دسمبر کو کیرالا میں آپریشنل ڈیوٹی بھی جوائن کی۔

ہمیشہ سے عام راستوں کی بجائے چیلینجز سے بھرے کام کرنے والی شیوانگی کے اہلخانہ کو اپنی بیٹی پر فخر ہے۔

شیوانگی کے والد کا کہنا ہے کہ انہیں پہلے سے ہی یقین تھا کہ ان کی بیٹی ایک دن کچھ بہتر کارنامہ انجام دے گی۔

بیٹی کی غیر متوقع کامیابی سے خوش شیوانگی کی والدہ نے بیٹے اور بیٹیوں میں فرق کرنے والوں کو سیکھ بھی دی ہے۔

فتح آباد کے ساکنین بھی اس ہونہار بیٹی کی کامیابی پر فخر اور خوشی محسوس کر رہے ہیں۔

شیوانگی کی بچپن سے ہی کچھ مختلف کرنے کی خواہش نے ایک بار پھر ثابت کردیا کہ آج بیٹیاں بھی کسی سے کم نہیں ہیں۔