بہار میں ضلع گیا کے پانچ اسکولی طالب علم کا محکمہ تعلیم آئندہ کل مفت آپریشن کرائے گا، یہ پانچوں طالب علم بچپن سے ہی معذور ہیں۔
محکمہ ایجوکیشن کی جانب سے ضلع کے مختلف سرکاری اسکولوں میں زیر تعلیم ان 5 معذور بچوں کا آپریشن ریاستی حکومت کے خرچ پر ہوگا۔
محکمہ تعلیم کے Inclusive education Cell کے تحت ریاستی سطح پر " مہاویر آروگیہ سنستھان" میں ضرورت مند طالب علموں کی اصلاحی سرجری کی جاتی ہے اس دوران آپریشن اور علاج کے تمام اخراجات محکمہ تعلیم برداشت کرتا ہے۔
سرجری کے لیے منتخب بچوں کو پٹنہ بھیج دیا گیا ہے ان کے ساتھ ان کے والدین اور ٹیچر بھی پٹنہ گئے ہیں۔ ڈی پی او پرائمری ایجوکیشن اور سروسکشا ابھیان افسر اصغر عالم خان نے اس سلسلے میں منیجر مہاویر آروگیہ سنستھان پٹنہ کو لیٹر بھی بھیج دیا ہے جس میں منتخب بچوں کی فہرست فراہم کی گئی ہے۔
مزید پڑھیں:
بہار ایجوکیشن پروجیکٹ کونسل گیا کے اے پی او کم ڈسٹرکٹ نوڈل افسر آصف علی نے بتایا کہ کلاس 6 ویں سے بارہویں جماعت کے ویسے بچے جو چلنے پھرنے میں دشواری کا سامنا کرتے ہیں اور وہ سرجری سے ٹھیک ہوسکتے ہیں تاہم مالی تنگیوں کی وجہ سے وہ اپنا آپریشن نہیں کراسکتے ہیں ایسے ضرورت مند بچوں کا انتخاب ہاؤس ہولڈ سروے کی بنیاد پر سرجری کے لئے کیا گیا ہے ان سبھی بچوں کا پہلے سرکاری ڈاکٹروں کی ٹیم سے چیک اپ کرایا جاتا ہے اور اس کے رپورٹ کے بعد آگے کی کارروائی ہوتی ہے۔
